Սաղմոսներ 4։1-8
Նվագավարին. կատարումը՝ լարային գործիքների նվագակցությամբ: Դավթի երգը:
4 Ո՛վ իմ արդար Աստված,+ երբ քեզ կանչեմ, պատասխանիր,Նեղության պահին ինձ համար ելք պատրաստիր,Բարեհաճ եղիր իմ հանդեպ և իմ աղոթքը լսիր:
2 Ո՛վ մարդիկ,* դեռ ինչքա՞ն պիտի պատիվս տրորեք,Դեռ ինչքա՞ն պիտի փուչ բաներ սիրեք,Դեռ ինչքա՞ն պիտի ստեր որոնեք: (Սելա)
3 Իմացեք՝ Եհովան հատուկ վերաբերմունք ցույց կտաՆրա հանդեպ, ով նվիրված է իրեն:*
Եհովան կլսի, երբ կանչեմ իրեն:
4 Եթե բարկանաք, մեղք մի՛ գործեք:+
Անկողնում պառկած՝ ձեր սրտում խոսեքԵվ լուռ մնացեք: (Սելա)
5 Անարատությա՛մբ զոհեր մատուցեք,*Եհովայի՛ն ապավինեք:+
6 Շատերն ասում են. «Ումի՞ց բարիք կտեսնենք»:
Ո՛վ Եհովա, թող քո բարության լույսը տեսնենք:+
7 Մեծ ուրախությամբ ես լցրել իմ սիրտը,Ավելի ուրախ եմ, քան առատ ցորեն ու գինի ունեցողները:
8 Միայն դու, ո՛վ Եհովա, կպահես ինձ ապահով,+Ես կպառկեմ ու կքնեմ խաղաղ քնով:+
Ծանոթագրություններ
^ Բռց.՝ «Ո՛վ մարդկանց որդիներ»:
^ Կամ՝ «զատորոշում է իրեն նվիրվածին», «իրեն նվիրվածին առանձնացնում է իր համար»:
^ Կամ՝ «Զոհեր մատուցեք որպես ճիշտն անող մարդիկ»:
