Սաղմոսներ 41։1-13
Նվագավարին: Դավթի երգը:
41 Երջանիկ է նա, ով հոգ է տանում խեղճին.+
Նեղության օրը Եհովան նրան կփրկի:
2 Եհովան աչքը նրա վրա կպահի, նրա կյանքը կպահպանի:
Երկրի բնակիչները այդպիսի մարդուն երանի կտան,+Աստված թշնամիների կամքին չի հանձնի նրան:+
3 Երբ նա իր անկողնում հիվանդ պառկած լինի,+Եհովան օգնության ձեռք կմեկնի,Հիվանդության ժամանակ նրան հոգ կտանի:*
4 Ես ասացի. «Ո՛վ Եհովա, իմ հանդեպ բարեհաճ եղիր:+
Քո դեմ մեղք եմ գործել,+ խնդրում եմ, ինձ բուժիր»:+
5 Թշնամիներս չարակամությամբ ասում են իմ մասին.
«Ե՞րբ պիտի մեռնի, ու նրա անունը ջնջվի»:
6 Երբ նրանցից մեկն ինձ այցի է գալիս, կեղծավորություն է անում,Իմ մասին չարախոսելու նյութ է հավաքում,Հետո գնում է և ամենուր տարածում:
7 Բոլոր ինձ ատողները իրար հետ փսփսում են,Իմ դեմ չարիք են ծրագրում և ասում են.
8 «Սոսկալի ցավ է եկել նրա գլխին,Անկողին է ընկել, էլ ոտքի չի կանգնի»:+
9 Անգամ ընկերս է իմ դեմ դուրս եկել՝*Նա, ում վստահել եմ,+ ով իմ հացն է կերել:+
10 Բայց դու, ո՛վ Եհովա, գթա ինձ և օգնիր՝ ոտքի ելնեմ,Որ կարողանամ նրանց հատուցել:
11 Ես կիմանամ, որ հաճելի եմ քեզ,Եթե հաղթանակած չհրճվեն թշնամիներս:+
12 Դու ինձ աջակցում ես, որովհետև նվիրված եմ քեզ,+Ինձ հավիտյան քո կողքին կպահես:*+
13 Փա՜ռք Եհովային՝ Իսրայելի Աստծուն,Հավիտենությունից հավիտենություն:+
Ամեն և ամեն:
Ծանոթագրություններ
^ Բռց.՝ «դու կփոխես նրա ողջ անկողինը»:
^ Բռց.՝ «իր կրունկը իմ դեմ բարձրացրել»:
^ Բռց.՝ «երեսիդ առաջ կդնես»:
