Սաղմոսներ 48։1-14
Կորխի որդիների երգը:+
48 Մեծ է Եհովան և ամենայն գովաբանության արժանի,Թող իր քաղաքում՝ իր սուրբ լեռան վրա, մեր Աստված փառաբանվի:
2 Սիոն լեռը հեռվում՝ հյուսիսում, բարձր ու վեհաշուք է,Ամբողջ երկրի ուրախությունն է,+Մեծ Թագավորի քաղաքն է:+
3 Դրա ամուր աշտարակներում Աստված հայտնի է դարձրել,Որ ինքն ապահով ապաստան է:+
4 Ահա թագավորները հավաքվեցին,*Միասնաբար քաղաքի դեմ արշավեցին:
5 Բայց այն տեսնելով՝ ապշեցինԵվ խուճապահար փախուստի դիմեցին:
6 Ահուդողի մեջ ընկան,Ծննդաբերող կնոջ նման ցավից կուչ եկան:
7 Ո՛վ Աստված, արևելյան քամով դու խորտակում ես թարսիսյան նավերը:
8 Մեր լսածը հիմա մեր աչքով ենք տեսնումԶորքերի տեր Եհովայի քաղաքում՝ մեր Աստծու քաղաքում.
Աստված այն ընդմիշտ ապահով է պահում:+ (Սելա)
9 Ո՛վ Աստված, քո տաճարումՀավատարիմ սիրուդ մասին ենք խորհրդածում:+
10 Ո՛վ Աստված, ինչպես քո անունն է ամենուր թնդում,Այնպես էլ քո գովքն է երկրով մեկ հնչում:+
Զորավոր ձեռքդ միշտ արդարություն է գործում:+
11 Քո արդար դատավճիռներով թող ցնծա Սիոն լեռը,+Թող ուրախանան Հուդայի քաղաքները:*+
12 Սիոնի շուրջը պտտվեք, չորս կողմը շրջեք,Դրա աշտարակները հաշվեք,+
13 Ուշադրություն դարձրեք դրա ամրություններին,*+Զննեք ամուր աշտարակները,Որ պատմեք գալիք սերունդներին:
14 Այս Աստվածն է մեր Աստվածը+ հավիտյան,Նա է մեզ առաջնորդելու դարեդար:*+
Ծանոթագրություններ
^ Կամ՝ «պայմանավորված հանդիպեցին»:
^ Բռց.՝ «դուստրերը»:
^ Կամ՝ «ամրացված պարիսպներին»:
^ Կամ հնարավոր է՝ «մինչև մեր մահը»:
