Սաղմոսներ 50։1-23
Ասափի երգը:+
50 Աստվածների Աստվածը՝ Եհովան*+ է խոսում,Նա կանչում է երկրի բնակիչներինԱրևելքից մինչև արևմուտք:*
2 Աստված լույս է ճառագում Սիոնից՝Կատարյալ գեղեցկությամբ+ փայլող քաղաքից:
3 Մեր Աստված կգա, նա լուռ չի մնա:+
Նրա առջևից կրակն է սպառում,+Նրա շուրջը հողմն է մոլեգնում:+
4 Նա վկա է կանչում երկնքին ու երկրին,+Որպեսզի դատի իր ժողովրդին.+
5 «Ինձ մո՛տ հավաքեք ինձ նվիրվածներին,Որ զոհի հիման վրա ինձ հետ ուխտ կապեցին»:+
6 Երկինքը հռչակում է Աստծու արդարությունը,Աստված ինքն է Դատավորը:+ (Սելա)
7 «Լսիր, իմ ժողովո՛ւրդ, ես խոսելու եմ,Ո՛վ Իսրայել, քո դեմ վկայելու եմ:+
Ես Աստված եմ, քո Աստվածն եմ:+
8 Ձեր զոհերի համար չէ, որ դատապարտում եմ ձեզ,Ոչ էլ ձեր ողջակեզների համար, որ իմ առաջ են բերվում մշտապես:+
9 Ինձ պետք չեն ձեր տնից բերված ցլերըԵվ ձեր փարախներից բերված այծերը,+
10 Որովհետև իմն են անտառի բոլոր կենդանիները,+Սարերում թափառող գազանները:
11 Բարձունքների բոլոր թռչուններին ես գիտեմ,+Դաշտերի անհամար կենդանիներն իմն են:
12 Թե քաղց զգայի, ձեզ չէի դիմի.
Չէ՞ որ իմն է երկիրը և ամեն բարիքը երկրի:+
13 Մի՞թե ես ցլերի միս եմ ուտելուԿամ այծերի արյուն եմ խմելու:+
14 Աստծուն որպես զոհ ձեր երախտագիտությունն ընծայեք,+Բարձրյալին տված ձեր երդումները կատարեք:+
15 Նեղության օրը ինձ օգնության կանչեք,+Ես կփրկեմ ձեզ, և դուք ինձ կփառաբանեք»:+
16 Իսկ անօրենին Աստված կասի.
«Ո՞վ է քեզ իրավունք տվել իմ կանոնների մասին պատմել+Եվ իմ ուխտի մասին խոսել:+
17 Չէ՞ որ դու ատում ես իմ խրատը*Եվ արհամարհում ես իմ ասածները:*+
18 Գողին հավանությամբ ես նայում,*+Անառակների* հետ ես ընկերանում:
19 Բերանդ վատ բաներ է տարածում,Լեզուդ ստեր է ասում:+
20 Ուրիշների հետ նստում ու հարազատ եղբորդ դեմ ես խոսում,+Մորիցդ ծնվածի սխալներն ես նրանց հայտնում:*
21 Երբ այդպես էիր վարվում, ես լուռ էի մնում,Եվ դու կարծում էիր, թե քեզ պես եմ մտածում:
Բայց հիմա ես քեզ կհանդիմանեմ,Քո դեմ մեղադրանք կներկայացնեմ:+
22 Ինձ* մոռացողնե՛ր, խնդրում եմ, ուշադրություն դարձրեք այս ամենին,+Այլապես ձեզ կպատառոտեմ, ու փրկող չի լինի:
23 Ով որպես զոհ իր երախտագիտությունն է մատուցում, փառավորում է ինձ,+Եվ ով հաստատակամորեն ճիշտ ուղով է գնում, փրկություն կստանա ինձնից»:+
Ծանոթագրություններ
^ Կամ՝ «Աստվածայինը՝ Աստվածը՝ Եհովան»:
^ Կամ՝ «Արևածագից մինչև արևամուտ»:
^ Կամ՝ «ուսուցումը», «առաջնորդությունը»:
^ Բռց.՝ «քո հետևն ես գցում իմ խոսքերը»:
^ Կամ հնարավոր է՝ «Միանում ես գողին»:
^ Կամ՝ «Կողակցին դավաճանողների»:
^ Կամ՝ «Մորիցդ ծնվածին ես վարկաբեկում»:
^ Բռց.՝ «Աստծուն»:
