Սաղմոսներ 51։1-19
Նվագավարին: Դավթի երգը, որը նա շարադրեց, երբ Բերսաբեի+ հետ նրա արած անբարոյականությունից հետո Նաթան մարգարեն եկավ նրա մոտ:
51 Ո՛վ Աստված, քո հավատարիմ սիրուց մղված՝ իմ հանդեպ բարեհաճ եղիր,+Քո մեծ գթասրտությունից մղված՝ հանցանքներս ջնջիր:+
2 Հանցանքիս աղտից ինձ մաքրիր,+Իմ մեղքը սրբիր:+
3 Ես լավ գիտակցում եմ հանցանքս,Միշտ աչքիս առաջ է* մեղքս:+
4 Գլխավորապես քո դեմ* եմ մեղք գործել,+Ինչը քո աչքին չար է, դա եմ արել,+Այնպես որ դու ճիշտ ես քո խոսքերում,Արդարացի ես քո դատաստանում:+
5 Ահա իմ ծնված օրից ես հանցավոր եմ,Մորս արգանդում իմ սկզբնավորման պահից մեղավոր եմ:+
6 Քեզ հաճելի է, երբ մարդն անկեղծ է իր սրտում,+Ուսուցանիր ինձ, որ ճշմարիտ իմաստությունն ըմբռնեմ սրտիս խորքում:*
7 Զոպայով* մաքրագործիր ինձ, որ ես մեղքից մաքրվեմ,+Լվա ու մաքրիր ինձ, որ ձյունից ճերմակ լինեմ:+
8 Օգնիր, որ նորից հաճույքով լսեմ ցնծության և ուրախության ձայները,Որ առողջանան* քո ձեռքով փշրված իմ ոսկորները:+
9 Իմ մեղքերից հայացքդ թեքիր,+Իմ բոլոր սխալները ջնջիր:+
10 Ո՛վ Աստված, մաքուր սիրտ ստեղծիր իմ ներսում+Եվ տուր նոր ոգի,+ որ վճռականությամբ է լեցուն:
11 Ինձ մի՛ զրկիր քո հավանությունից*Եվ քո սուրբ ոգին մի՛ վերցրու ինձնից:
12 Թող որ նորից զգամ այն ուրախությունը,Որ բերում է քո տված փրկությունը:+
Իմ մեջ բոցավառիր քեզ հնազանդվելու ցանկությունը:
13 Եվ ես օրինազանցներին կճանաչեցնեմ քո ուղիները,+Որ քեզ մոտ վերադառնան մեղսագործները:
14 Արյունապարտությունից փրկիր ինձ,+ ո՛վ Աստված, իմ փրկի՛չ Աստված,+Որ քո արդարության մասին հռչակեմ՝ ուրախությամբ լցված:+
15 Ո՛վ Եհովա, բացիր շուրթերիս կապանքը,Որ քեզ գովաբանի իմ բերանը:+
16 Չէ՞ որ դու զոհ չես ուզում,Այլապես ես այն կմատուցեի քեզ:+
Չի ուրախացնում քեզ ոչ մի ողջակեզ:+
17 Զղջումից ճմլվող սիրտն* է Աստծուն հաճելի զոհը:
Ո՜վ Աստված, դու չես մերժի* կոտրված ու ընկճված սիրտը:+
18 Գթասիրտ եղիր և Սիոնի հետ բարությամբ վարվիր,Երուսաղեմի պարիսպները վերաշինիր:
19 Այդժամ քեզ հաճելի կլինեն անարատությամբ մատուցված զոհերը,Հրկիզվող զոհերն ու ողջակեզները,Եվ ցլեր կմատուցվեն զոհասեղանիդ վրա:+
Ծանոթագրություններ
^ Կամ՝ «մտքումս է»:
^ Բռց.՝ «Միայն քո դեմ»:
^ Կամ՝ «իմ ներքին մարդը ըմբռնի»:
^ Բռց.՝ «ուրախանան»:
^ Բռց.՝ «քո երեսից մի՛ գցիր»:
^ Կամ՝ «ոգին»:
^ Կամ՝ «արհամարհի»:
