Սաղմոսներ 55։1-23
Նվագավարին. կատարումը՝ լարային գործիքների նվագակցությամբ: Մասքիլ:* Դավթի երգը:
55 Ո՜վ Աստված, լսիր աղոթքս,+Մի՛ անտեսիր գթասրտությանդ արժանանալու* խնդրանքս:+
2 Ուշադրություն դարձրու և պատասխանիր ինձ:+
Մտահոգություններս ինձ հանգիստ չեն տալիս,+Ալեկոծված է հոգիս,
3 Քանի որ թշնամիներս ինձ սպառնում են,Անօրեններն ինձ ճնշում են:
Նրանք ինձ վրա չարիք են տեղում,Զայրույթով համակված՝ իմ հանդեպ թշնամանքով են լցվում:+
4 Սիրտս կծկվում է ցավից,+Մահվան սարսափն է պատել ինձ:+
5 Ահուդողի մեջ եմ ընկել,Սարսուռն է ինձ համակել:
6 Շարունակ ասում եմ. «Երանի՜ աղավնու պես թևեր ունենայի,Այդժամ կթռչեի հեռու և ապահով կապրեի:
7 Դեպի հեռուները կփախչեի,+Ամայի վայրում կբնակվեի:+ (Սելա)
8 Դեպի ապաստան կշտապեի,Մոլեգնած քամուց ու փոթորկից կպաշտպանվեի»:
9 Ո՛վ Եհովա, նրանց խուճապի մատնիր,Նրանց ծրագրերը խափանիր,*+Որովհետև քաղաքում կռիվ են անումԵվ բռնություն են գործադրում:
10 Օր ու գիշեր պարիսպների վրա դա եմ տեսնում,*Քաղաքում չարիք է ու նեղություն:+
11 Այնտեղ ամենուր ավերածություն է,Կեղեքումն ու խաբեությունը հրապարակից անպակաս են:+
12 Թշնամի մարդ չէ ինձ ծաղրողը,+Այլապես կհամակերպվեի:
Հակառակորդ մեկը չէ իմ դեմ դուրս եկողը,Այլապես նրանից կթաքնվեի:
13 Այլ ինձ նման մեկն է՝ իմ ընկերը,+Նա, ում ես լավ գիտեմ:+
14 Մենք ջերմ ընկերակցություն էինք վայելում,Մեծախումբ ժողովրդի հետ Աստծու տուն էինք գնում:
15 Թող թշնամիներս կործանվեն,+Թող ողջ-ողջ գերեզման* իջնեն,Քանի որ նրանց բնակավայրում ու նրանց սրտերումՉարություն է տիրում:
16 Իսկ ես Աստծո՛ւց կխնդրեմ օգնություն,Եհովան ինձ կտա փրկություն:+
17 Առավոտ լինի, կեսօր թե իրիկուն՝Ես տագնապում եմ ու հառաչում,*+Եվ նա իմ ձայնին ականջ է դնում:+
18 Ամբոխներ են իմ դեմ դուրս գալիս,Բայց նա ինձ կփրկի* իմ դեմ կռվողներիցԵվ խաղաղություն կտա ինձ:+
19 Աստված ինձ կլսի,+Հնուց ի վեր գահին նստողը նրանց դեմ կգործի.+ (Սելա)
Նրանք չեն ցանկանա փոխվել,Նրանք Աստծու հանդեպ վախ չունեն:+
20 Ընկերս իր հետ հաշտ ապրողների վրա հարձակվեց,+Իր ուխտը խախտեց:+
21 Նրա խոսքերը կարագից էլ կակուղ են,+Բայց նրա սիրտը կռիվ է տենչում:
Նրա խոսքերը յուղից էլ փափուկ են,Բայց իրականում մերկացված սրեր են:+
22 Բեռդ Եհովայի վրա գցիր,+Եվ նա քեզ թիկունք կկանգնի:+
Նա երբեք չի թողնի, որ արդարն ընկնի:*+
23 Չարագործներին, ո՜վ Աստված, դու կիջեցնես գերեզման,+Արյունապարտ ու խաբեբա մարդիկ չեն ապրի իրենց կյանքի կեսն անգամ,+Իսկ ես քեզ մոտ կփնտրեմ ապաստան:
Ծանոթագրություններ
^ Կամ՝ «օգնությունդ ստանալու»:
^ Կամ՝ «Նրանց լեզուն խառնիր»:
^ Բռց.՝ «Օր ու գիշեր նրանք շրջում են դրա պարիսպների վրա»:
^ Եբր.՝ շեոլ: Բառարանում տես «Գերեզման»:
^ Կամ՝ «տեղս չեմ գտնում»:
^ Բռց.՝ «կփրկագնի»:
^ Կամ՝ «սասանվի»:
