Սաղմոսներ 65։1-13
Նվագավարին: Դավթի երգը:
65 Ո՛վ Աստված, Սիոնում+ քեզ կգովաբանենք,Քեզ տված մեր երդումները կկատարենք:+
2 Աղոթքնե՛ր Լսող, ամեն տեսակ մարդիկ կգան քեզ մոտ:+
3 Ինձ վրա ծանրացել են իմ սխալները,+Բայց դու ներում ես մեր հանցանքները:+
4 Երջանիկ է այն մարդը, ում դու ընտրում ես և քեզ ես մոտեցնում,Որ նա բնակվի քո գավիթներում:*+
Մենք կհագենանք քո տան բարիքներով՝+Քո սուրբ տաճարի* բարիքներով:+
5 Ի պատասխան մեր աղոթքի՝ դու սքանչելի, արդար գործեր կանես,+Ո՜վ մեր Աստված, որ փրկում ես մեզ:
Քեզ են վստահում երկրի ամեն ծայրում ապրողները,+Անգամ հեռավոր ծովերից այն կողմ բնակվողները:
6 Դու* հիմնել ես լեռները քո զորությամբ,Մեծ ուժով ես գոտևորված:+
7 Հանդարտեցնում ես մոլեգնած ծովերը,+Շառաչող ալիքները, ազգերի խռովությունները:+
8 Քո արածները տեսնելով՝ ակնածանքով կլցվեն երկրի հեռավոր ծայրերի բնակիչները:+
Քո գործերի համար ուրախ կբացականչեն թե՛ արևելքում, թե՛ արևմուտքում ապրողները:
9 Դու հոգ ես տանում երկրին,Այն շատ հարուստ ու պտղաբեր ես դարձրել:+
Քո գետերը ջրով ես լցրել,Մարդկանց հացահատիկով ապահովել.+
Ահա թե ինչպես ես երկրի վրա ամեն բան պատրաստել:
10 Մարգերը ոռոգում ես, հարթում ես հերկված հողը,Հորդառատ անձրևներով այն փափկեցնում ես և օրհնում ծիլերը:+
11 Տարին քո բարիքներով ես պսակում,Քո անցած տեղերում առատություն է տիրում:+
12 Տափաստանային արոտավայրերում առատ խոտ է աճում,+Բլուրներն ուրախություն են հագնում:+
13 Արոտավայրերը հոտերով են ծածկված,Դաշտերի վրա ցորենի գորգ է փռված:+
Ողջ երկիրը բացականչում է ու երգում է ուրախացած:+
