Սաղմոսներ 66։1-20
Նվագավարին: Երգ:
66 Ողջ երկրի մարդի՛կ, ի պատիվ Աստծու՝ ցնծության աղաղակ բարձրացրեք,+
2 Նրա փառահեղ անունը գովերգեք,*Նրան գովաբանելով փառավորեք:+
3 Աստծուն ասեք. «Ակնածանք են ներշնչում գործերդ,+Մեծ զորությունդ տեսնելով՝ քո առաջ կուչ կգան թշնամիներդ:+
4 Երկրի բոլոր մարդիկ քո առաջ կխոնարհվեն,+Կգովերգեն քեզ ու քո անունը կփառաբանեն»:+ (Սելա)
5 Եկեք ու տեսեք Աստծու գործերը,Ակնածանք են ներշնչում մարդկանց համար նրա արածները:+
6 Նա ցամաք դարձրեց ծովը,+Մեր ժողովուրդը քայլելով անցավ գետը,+Այնտեղ ուրախացանք՝ տեսնելով նրա արածը:+
7 Նա հավիտյան իշխում+ է իր հզոր ուժի շնորհիվ,Նրա աչքերը հսկում են ազգերին:+
Համառները թող մեծ կարծիք չունենան իրենց մասին:+ (Սելա)
8 Ո՛վ ժողովուրդներ, փառաբանեք մեր Աստծուն,+Թող թնդան ձայները, որ նրան են գովերգում:
9 Նա պահպանում է մեր կյանքը,+Չի թողնում, որ սայթաքի* մեր ոտքը:+
10 Ո՛վ Աստված, դու մեզ քննեցիր,+Դու մեզ արծաթի պես զտեցիր,
11 Մեզ որսացանցի մեջ գցեցիր,Մեր մեջքին ծանր բեռ դրեցիր:
12 Թույլ տվեցիր, որ մահկանացու մարդը մեզ կոխկրտի,Մենք անցանք կրակի ու ջրի միջով,Բայց հետո դու մեզ ապահով հանգրվան բերեցիր:
13 Ես ողջակեզներով քո տուն կմտնեմ,+Քեզ տված երդումներս կկատարեմ,+
14 Այն երդումները, որ իմ շուրթերից հնչեցին,+Որ իմ բերանից դուրս եկան իմ նեղության օրերին:
15 Քեզ համար ճարպոտ կենդանիներ եմ ողջակիզելու,Խոյեր* եմ քեզ զոհաբերելու,Ցլեր ու այծեր եմ ընծայելու: (Սելա)
16 Ո՛վ աստվածավախ մարդիկ, բոլորդ եկեք ու լսեք,Ես կպատմեմ, թե Աստված ինձ համար ինչեր է արել:+
17 Ես նրան օգնության կանչեցիԵվ նրան փառաբանեցի:
18 Եթե իմ սրտում չար բան պահեի,Եհովան ինձ չէր լսի:+
19 Բայց Աստված ինձ լսեց,+Իմ աղոթքին ուշադրություն դարձրեց:+
20 Փա՛ռք Աստծուն, ով աղոթքս չմերժեցԵվ ինձ իր հավատարիմ սիրուց չզրկեց:
