Սաղմոսներ 84։1-12
Նվագավարին: Գիթթիթ:* Կորխի որդիների երգը:+
84 Այնքա՜ն եմ սիրում քո վեհապանծ բնակավայրը,+Ո՜վ Զորքերի տեր Եհովա:
2 Ողջ էությամբ տենչում եմ լինել Եհովայի տան գավիթներում,Կարոտագին փափագից հալումաշ եմ լինում,+Ամբողջ սրտով, ամբողջ ուժով* ցնծագին գովերգում եմ կենդանի Աստծուն:
3 Նույնիսկ թռչունն է այնտեղ օթևանում,Քո վեհաշուք զոհասեղանի մոտԾիծեռնակը իր բույնն է դնումԵվ իր ձագերին խնամում,Ո՜վ Զորքերի տեր Եհովա, իմ Աստվա՜ծ, իմ Թագավո՜ր:
4 Երջանիկ են նրանք, ովքեր քո տան մեջ են բնակվում,+Նրանք անդադար քեզ են փառաբանում:+ (Սելա)
5 Երջանիկ են այն մարդիկ, ում դու զորություն ես տալիս,+Ում սրտի փափագն է լինել քո տան ճանապարհներին:
6 Երբ նրանք Բակայի հովտով են անցնում,*Այն ջրառատ վայր են դարձնում:
Աշնանային անձրևը այն օրհնություններով է ողողում:*
7 Նրանք քայլում են, բայց ուժասպառ չեն լինում,+Բոլորը Աստծու առաջ են ներկայանում Սիոնում:
8 Ո՛վ Զորքերի տեր Եհովա Աստված, աղոթքիս ականջ դիր,Ո՛վ Հակոբի Աստված, ինձ լսիր: (Սելա)
9 Ո՛վ մեր վահան,+ ո՛վ մեր Աստված, նայիր*Եվ քո օծյալի հանդեպ բարեհաճ եղիր:+
10 Ավելի լավ է քո տան գավիթներում անցկացրած մեկ օրը,Քան որևէ այլ տեղ անցկացրած հազարավոր օրերը:+
Գերադասում եմ իմ Աստծու տան շեմին կանգնել,Քան անօրենների վրաններում ապրել:
11 Չէ՞ որ Եհովա Աստված արև+ է ու վահան,+Նա բարեհաճություն է ցույց տալիս ու փառքով է պսակում:
Անարատությամբ ընթացողների համար Եհովան ոչ մի բարիք չի խնայում:+
12 Ո՜վ Զորքերի տեր Եհովա,Երջանիկ է այն մարդը, ով քեզ է ապավինում:+
Ծանոթագրություններ
^ Բռց.՝ «Իմ սիրտը և իմ մարմինը»:
^ Կամ՝ «անցնում են այն հովտով, որտեղ բակայի թփեր են աճում»: Եբր. բակա բառը ծագում է մի արմատից, որը նշանակում է «լացել»: Ստույգ հայտնի չէ, թե որ բույսի մասին է խոսքը:
^ Կամ հնարավոր է՝ «Ուսուցիչն իրեն օրհնություններով է պարուրում»:
^ Կամ հնարավոր է՝ «Ո՛վ մեր Աստված, նայիր մեր վահանին»:
