Սաղմոսներ 89։1-52
Մասքիլ:* Եզրահյան Եթանի+ երգը:
89 Ո՛վ Եհովա, քո դրսևորած հավատարիմ սիրո մասին հավիտյան կերգեմ,Իմ բերանով սերնդեսերունդ քո հավատարմության մասին կպատմեմ:
2 Ես ասացի. «Հավիտյան է մնալու քո հավատարիմ սերը,+Երկնքի պես հաստատուն է քո հավատարմությունը»:
3 Դու ասացիր. «Իմ ընտրյալի հետ ուխտ եմ կապել,+Իմ ծառա Դավթին երդում եմ տվել.+
4 «Հաստատուն կդարձնեմ քո սերունդը,+ որ առհավետ շարունակվի,Կամրապնդեմ քո գահը, որ սերնդեսերունդ կանգուն լինի»»:+ (Սելա)
5 Ո՛վ Եհովա, երկինքը գովերգում է քո հրաշքները,Սրբերի* ժողովը փառաբանում է քո հավատարմությունը:
6 Երկնքում ո՞վ կարող է Եհովայի հետ համեմատվել:+
Աստծու՝ Եհովայի որդիներից*+ ո՞վ կարող է նրան հավասար լինել:
7 Աստծուց ակնածում են սրբերի ժողովում,+Նա մեծափառ է և իրեն շրջապատողներին ակնածանք է ներշնչում:+
8 Ո՛վ Զորքերի տեր Եհովա Աստված,Ո՛վ Յահ, ո՞վ է քեզ նման զորեղ:+
Դու ամեն հարցում հավատարիմ ես:+
9 Քո իշխանությանն ես ենթարկում փոթորկված ծովը,+Հանդարտեցնում ես վեր խոյացած ալիքները:+
10 Դու մահացու հարվածով+ ջախջախեցիր Ռախաբին,*+Զորեղ բազկովդ ցիրուցան արեցիր քո թշնամիներին:+
11 Քոնն է երկինքը, քոնն է երկիրը,+Դու ես արարել երկիրը և այնտեղ եղող ամեն ինչը:+
12 Դու ես ստեղծել հյուսիսն ու հարավը,Թաբորն+ ու Հերմոնը+ ցնծագին փառաբանում են քո անունը:
13 Զորեղ է բազուկդ,+Ուժեղ է ձեռքդ,+Հաղթական վեր է բարձրացել աջդ:+
14 Արդարությունն ու արդարադատությունը քո գահի հիմքն են,+Սերն* ու հավատարմությունը միշտ քո առաջ են:+
15 Երջանիկ են այն մարդիկ, ովքեր ցնծությամբ քեզ են փառաբանում:+
Ո՛վ Եհովա, նրանք քո հավանության* լույսի ներքո են ընթանում:
16 Քո անունը օրնիբուն նրանց ուրախություն է պարգևում,Եվ քո արդարության շնորհիվ նրանք պատվի են արժանանում,
17 Որովհետև դու ես նրանց զորացնում ու փառքով պսակում,+Եվ քո բարեհաճության շնորհիվ է մեր ուժն ավելանում:*+
18 Եհովան է մեզ տվել մեր վահանը,Մեր թագավորին մեզ պարգևել է Իսրայելի Սուրբը:+
19 Այդ ժամանակ քեզ նվիրվածների հետ տեսիլքով խոսեցիր և ասացիր.
«Զորություն տվեցի զորավորին,+Պատվի արժանացրի ժողովրդի միջից ընտրվածին:+
20 Իմ ծառա Դավթին ընտրեցի,+Իմ սուրբ յուղով նրան օծեցի:+
21 Իմ ձեռքով նրան կաջակցեմ,+Իմ բազկով նրան կզորացնեմ:
22 Ոչ մի թշնամի նրան հարկատու չի դարձնի,Ոչ մի անարդար մարդ նրան չի հարստահարի:+
23 Նրա առաջ ջարդուփշուր կանեմ հակառակորդներին,+Կտապալեմ նրան ատողներին:+
24 Նրա հանդեպ հավատարմություն ու սեր* կդրսևորեմ,+Հանուն իմ անվան՝ նրա ուժը կավելացնեմ:
25 Նրա ձեռքի* տակ կդնեմ ծովը,Նրա աջ ձեռքի տակ կդնեմ գետերը:+
26 Ինձ դիմելով՝ նա կբացականչի. «Դու ես իմ Հայրը,Իմ Աստվածը և իմ փրկարար Վեմը»:+
27 Ես նրան առաջնեկ կդարձնեմ,+Երկրի թագավորներից վեր կբարձրացնեմ:+
28 Նրա հանդեպ իմ հավատարիմ սերը կմնա առհավետ,+Նրա հետ կապած իմ ուխտը չի խախտվի երբեք:+
29 Հաստատուն կդարձնեմ նրա սերունդը, որ հավետ շարունակվի,Կամրապնդեմ նրա գահը, որ երկնքի պես մնայուն լինի:+
30 Եթե նրա որդիները օրենքս թողնենԵվ իմ հրահանգների* համաձայն չվարվեն,
31 Եթե խախտեն իմ կանոններըԵվ չպահեն իմ պատվիրանները,
32 Ես գավազանով նրանց կպատժեմ իրենց անհնազանդության* համար,+Կխարազանեմ իրենց հանցանքների համար:
33 Բայց նրա հանդեպ իմ հավատարիմ սերը չի դադարի,+Իմ տված խոստումը ես չեմ դրժի:
34 Իմ ուխտը չեմ խախտի,+Բերանիցս դուրս եկածը չեմ փոխի:+
35 Իմ սրբությամբ երդվել եմ մեկընդմիշտ,Դավթին ես չեմ ստի:+
36 Նրա սերունդը առհավետ կշարունակվի,+Նրա գահը արևի պես հավերժական կլինի:+
37 Լուսնի պես այն հավիտյան կմնա հաստատուն,Այդ հավատարիմ վկայի պես, որ միշտ հայտնվում է երկնքում»: (Սելա)
38 Բայց քո օծյալի դեմ ցասումով ես լցվել,+Նրան մերժել ու դեն ես գցել:
39 Քո ծառայի հետ կապած ուխտն արհամարհել ես,Նրա թագը գետնին ես շպրտել ու անարգել ես:
40 Քարուքանդ ես արել նրա քարե պարիսպները,Ավերել ես նրա ամրությունները:
41 Բոլոր անցորդները նրան կողոպտում են,Հարևանների աչքին անարգված մեկն է դարձել:+
42 Նրա հակառակորդներին հաղթանակ ես պարգևել,+Նրա բոլոր թշնամիներին ուրախություն ես պատճառել:
43 Դու նրա սուրը հետ ես մղել,Ստիպել ես պատերազմում իր դիրքերը զիջել:
44 Նրան իր փառքից զրկել ես,Նրա գահը խորտակել ես:
45 Նրա երիտասարդության օրերը կրճատել ես,Նրան ամոթով ես ծածկել: (Սելա)
46 Ո՛վ Եհովա, դեռ ինչքա՞ն ես թաքնվելու: Մի՞թե առհավետ:+
Մի՞թե բարկությունդ շարունակելու է բոցավառվել կրակի պես:
47 Հիշիր, թե որքան կարճ է կյանքս:+
Մի՞թե աննպատակ ես ստեղծել բոլոր մարդկանց:
48 Ո՞ր մի մարդը կարող է ապրել առանց մահ ճաշակելու:+
Ո՞ր մեկն է ի զորու գերեզմանի* ճանկերից իրեն* փրկելու: (Սելա)
49 Ո՛վ Եհովա, ո՞ւր է հավատարիմ սերդ, որ նախկինում ցույց ես տվել,Որի մասին հավատարմորեն Դավթին երդում ես տվել:+
50 Մի՛ մոռացիր, ո՛վ Եհովա, թե ծառաներիդ վրա ինչ ծաղրանքներ են թափում,Թե ինչպես եմ ես բոլոր ազգերի ծաղրանքներին դիմանում:*
51 Մի՛ մոռացիր, ո՛վ Եհովա, թե ինչ վիրավորանքներ են հասցրել քո թշնամիները,Թե ինչպես են պախարակել օծյալիդ ամեն մի քայլը:
52 Թող հավիտյան փառաբանվի Եհովան: Ամեն և ամեն:+
Ծանոթագրություններ
^ Կամ՝ «Սուրբ հրեշտակների»:
^ Կամ՝ «հրեշտակներից»:
^ Հավանաբար, խոսքը Եգիպտոսի կամ նրա փարավոնի մասին է:
^ Բառարանում տես «Հավատարիմ սեր»:
^ Բռց.՝ «երեսի»:
^ Բռց.՝ «մեր եղջյուրը բարձրանում»:
^ Բառարանում տես «Հավատարիմ սեր»:
^ Կամ՝ «իշխանության»:
^ Կամ՝ «դատավճիռների»:
^ Կամ՝ «ըմբոստության»:
^ Եբր.՝ շեոլ: Բառարանում տես «Գերեզման»:
^ Կամ՝ «իր հոգին»:
^ Բռց.՝ «իմ ծոցում կրում»:
