Սաղմոսներ 9։1-20
Նվագավարին: Մութ-լաբբեն:* Դավթի երգը:
א [Ալեֆ]*
9 Ո՜վ Եհովա, ամբողջ սրտով քեզ կգովաբանեմ,Քո բոլոր զարմանահրաշ գործերի մասին կպատմեմ:+
2 Քեզնով կուրախանամ ու կցնծամ,Ո՜վ Բարձրյալ, անունդ կգովերգեմ:*+
ב [Բեթ]
3 Նահանջի ճամփան բռնած թշնամիներս+Քո առաջ կընկնեն ու կկործանվեն:
4 Չէ՞ որ դու պաշտպանում ես ինձ իմ արդար դատում,Դու նստած ես քո գահին և արդարությամբ ես դատում:+
ג [Գիմել]
5 Դու սաստեցիր ազգերին,+ անօրեններին կործանեցիր:
Ընդմիշտ ու հավիտյան նրանց անունը ջնջեցիր:
6 Մեկընդմիշտ կործանվեցին թշնամիները,Հիմնովին ավերեցիր նրանց քաղաքները,Կվերանա նրանց հիշատակը:+
ה [Հե]
7 Իսկ Եհովան հավերժ գահակալ է,+Իր գահն ամուր հաստատել է,Որ արդարություն գործադրի:+
8 Ողջ երկիրը նա արդարությամբ կդատի,+Ազգերի համար արդար դատավճիռներ կկայացնի:+
ו [Վավ]
9 Կեղեքվածների համար ապահով ապաստան կլինի Եհովան,+Դժվարին օրերում՝ անվտանգ պատսպարան:+
10 Անունդ իմացողները* իրենց հույսը քեզ վրա կդնեն:+
Եհո՛վա, դու երբեք չես լքի նրանց, ովքեր քեզ կապավինեն:*+
ז [Զային]
11 Գովերգեք Եհովային՝ Սիոնում բնակվողին,Ժողովուրդներին պատմեք նրա գործերի մասին:+
12 Տառապյալների արյան վրեժն առնողը հիշում է նրանց,+Նա երբեք չի մոռանա նրանց աղաղակը:+
ח [Խեթ]
13 Ո՛վ Եհովա, դու, որ մահվան դռնից հետ ես բերում ինձ,+Տես՝ ինչպես եմ տառապում ինձ ատողների ձեռքից,Եվ իմ հանդեպ բարեհաճ եղիր,
14 Որ Սիոն քաղաքի* դարպասների մոտԳովելի գործերիդ մասին հռչակեմ+
Եվ քո փրկարար գործերով հրճվեմ:+
ט [Տեթ]
15 Ազգերը ընկան իրենց իսկ փորած փոսի մեջ,Նրանց ոտքը բռնվեց իրենց իսկ լարած թակարդի* մեջ:+
16 Եհովան հայտնի է իր արած դատաստաններով:+
Անօրենը ծուղակն է ընկնում իր իսկ հնարքներով:+
Հիգգայոն:* (Սելա)
י [Յոդ]
17 Գերեզման* կգնան անօրենները,Աստծուն մոռացած բոլոր ազգերը:
18 Մինչդեռ աղքատը մոռացված չի մնա,+Հեզերի հույսն ի վերջո կիրականանա:+
כ [Կաֆ]
19 Գործիր, Եհո՛վա, ազգերին ենթարկիր դատաստանի,+Մի՛ թող մարդն իրեն քեզնից զորավոր կարծի:
20 Ահուդողի մեջ գցիր նրանց, Եհո՛վա,+Թող ազգերն իմանան, որ մահկանացու մարդ են միայն: (Սելա)
Ծանոթագրություններ
^ Բառարանում տես «Մութ-լաբբեն»:
^ Բնագրում այս սաղմոսը հաջորդի հետ միասին այբբենական հերթականությամբ է դասավորված՝ ակրոստիքոսի ձևով:
^ Կամ՝ «նվագակցությամբ կգովերգեմ»:
^ Բռց.՝ «կփնտրեն»:
^ Խոսքը ոչ միայն անունը իմանալու մասին է, այլև այդ անունը կրողին ճանաչելու:
^ Բռց.՝ «Սիոնի դստեր»:
^ Բռց.՝ «ցանցի»:
^ Բառարանում տես «Հիգգայոն»:
^ Եբր.՝ շեոլ: Բառարանում տես «Գերեզման»: