Սաղմոսներ 90։1-17
Ճշմարիտ Աստծու ծառա Մովսեսի+ աղոթքը:
90 Ո՛վ Եհովա, սերնդեսերունդ դու մեզ համար ապաստան* ես:+
2 Դու եղել ես նախքան լեռների ծնունդ առնելը,Նախքան երկիրն ու պտղաբեր հողն արարելը:*+
Հավիտենությունից հավիտենություն դու Աստված ես:+
3 Մահկանացու մարդուն վերադարձնում ես հողին:
Դու ասում ես. «Հետ դարձեք դեպի հողը, ո՛վ մարդկանց որդիներ»:+
4 Քո աչքին հազար տարին մեկ օր է,* որ արագ անցնում է,+Քեզ համար այն գիշերվա մի պահ է:*
5 Դու սրբում-տանում ես մարդկանց,+ և նրանք երազի պես անհետանում են,Նրանք ասես առավոտը ծլող խոտ լինեն.+
6 Առավոտյան այն ծլարձակում է ու փարթամանում,Իսկ երեկոյան թառամում է ու չորանում:+
7 Քո բարկությունը մեզ սպառում է,+Քո ցասումը մեզ սարսափեցնում է:
8 Քո աչքից ծածկված չեն մեր հանցանքները,+Քո երեսից ճառագող լույսը բացահայտում է մեր գաղտնի գործերը:+
9 Քո ցասումից մեր կյանքը մարում է,Մեր տարիները, ասես մի շունչ, արագ անցնում են:
10 Մեր կյանքի տևողությունը յոթանասուն տարի է,Գուցե և ութսուն,+ այն էլ եթե մարդու ուժը տեղն է:
Բայց այդ բոլոր տարիները վիշտ ու ցավով են լեցուն,Դրանք արագ անցնում են, և մենք թռչում-հեռանում ենք:+
11 Ո՞վ կարող է պատկերացնել քո զայրույթի ուժը,Քո ցասումը նույնքան մեծ է, որքան ակնածանքը,* որին դու արժանի ես:+
12 Սովորեցրու մեզ՝ ինչպես լավագույնս տնօրինենք մեր կյանքի օրերը,*+Որ իմաստուն դառնա մեր սիրտը:
13 Ո՛վ Եհովա, վերադարձիր դեպի մեզ:+
Դեռ ինչքա՞ն պետք է շարունակվի այսպես:+
Գթասիրտ եղիր ծառաներիդ հանդեպ:+
14 Առավոտից թող քո հավատարիմ սիրով+ հագենանք,Որ մեր կյանքի բոլոր օրերում ուրախ երգենք ու ցնծանք:+
15 Ուրախություն մեզ պատճառիր այնքան օրեր, որքան տառապանք ես տվել,+Այնքան տարիներ, որքան նեղություն ենք կրել:+
16 Թող ծառաներդ տեսնեն քո գործերը,Նրանց որդիները՝ քո զորությունը:+
17 Թող մեր Աստված Եհովան մեր հանդեպ միշտ բարեհաճ լինի:
Մեր ձեռքի գործերը հաջողությամբ պսակիր:
Այո՛, մեր ձեռքի գործերը հաջողությամբ պսակիր:+
Ծանոթագրություններ
^ Կամ՝ «բնակության վայր»:
^ Կամ՝ «երկունքի ցավերով առաջ բերելը»:
^ Բռց.՝ «երեկվա պես է»:
^ Գիշերվա ամեն մի պահը մոտ չորս ժամ էր:
^ Բռց.՝ «վախը»:
^ Կամ՝ «ինչպես հաշվենք մեր օրերը»:
