Սաղմոսներ 92։1-15
Երգ՝ Շաբաթ օրվա համար:
92 Այնքա՜ն լավ է քեզ շնորհակալություն հայտնել, ո՜վ Եհովա,+Քո անունը գովերգել, ո՜վ Բարձրյալ,
2 Առավոտյան պատմել քո հավատարիմ սիրո+ մասին,Գիշերը՝ քո հավատարմության մասին,
3 Գովերգել քեզ տասնալար տավիղի ու ջնարի* նվագակցությամբ,Քնարի քաղցրահունչ երաժշտությամբ,+
4 Որովհետև, ո՜վ Եհովա, քո գործերով ինձ ուրախացնում ես,Քո ձեռքի գործերից հիացած՝ ուրախ բացականչում եմ ես:
5 Ո՜վ Եհովա, ի՜նչ հիասքանչ են քո գործերը,+Ի՜նչ խորն են քո մտքերը:+
6 Դատողություն չունեցող մարդը չի կարող դրանք իմանալ:
Ոչ մի անմիտ մարդ չի կարող սա հասկանալ.+
7 Անօրենները մոլախոտի պես բուսնում են,Չարագործները ծաղկում են,Բայց միայն նրա համար, որ մեկընդմիշտ կործանվեն:+
8 Իսկ դու, ո՛վ Եհովա, ամենքից բարձր ես հավիտյան:
9 Հաղթական նայիր թշնամիներիդ, ո՛վ Եհովա,Նայիր՝ ինչպես են նրանք վերանալու.
Բոլոր չարագործները ցիրուցան են լինելու:+
10 Բայց ինձ դու կզորացնես,* որ վայրի ցլի պես ուժեղ լինեմ,Եվ ես թարմացնող յուղով կօծվեմ:+
11 Հաղթական կնայեմ թշնամիներիս,+Ինձ վրա հարձակվող չարագործների անկման լուրը կհասնի ականջիս:
12 Իսկ արդարները կծաղկեն արմավենու նման,Լիբանանի մայրու պես կփարթամանան:+
13 Նրանք տնկված են Եհովայի տան մեջ,Մեր Աստծու գավիթներում փարթամ աճում են:+
14 Նույնիսկ ծեր տարիքում* կծաղկեն,+Առույգ* ու թարմ կլինեն,+
15 Կհռչակեն, որ ուղղամիտ է Եհովան:
Նա իմ Վեմն է,+ նրա մեջ անարդարություն չկա:
Ծանոթագրություններ
^ Լարային նվագարան:
^ Բռց.՝ «իմ եղջյուրը դու կբարձրացնես»:
^ Կամ՝ «ալևորության ժամանակ»:
^ Բռց.՝ «Պարարտ»: