Սաղմոսներ 96։1-13
96 Նոր երգ երգեք Եհովայի պատվին,+Ո՛վ երկրի բոլոր մարդիկ, գովերգեք Եհովային:+
2 Գովերգեք Եհովային, փառաբանեք նրա անունը,Ամեն օր պատմեք նրանից եկող փրկության բարի լուրը:+
3 Նրա փառահեղության մասին հայտնեք ազգերին,Նրա զարմանահրաշ գործերի մասին՝ բոլոր ժողովուրդներին:+
4 Մեծ է Եհովան և ամենաշատն է արժանի գովաբանության,Բոլոր աստվածներից առավել նա է ներշնչում ակնածանք:
5 Փուչ են ժողովուրդների բոլոր աստվածները,+Մինչդեռ Եհովան նա է, ով ստեղծել է երկինքը:+
6 Վեհությունն ու շքեղությունն են նրան շրջապատում,+Նրա սրբարանը զորություն ու գեղեցկություն է ճառագում:+
7 Տվեք Եհովային իրեն արժանի պատիվը, երկրի բոլո՛ր տոհմեր,Տվեք Եհովային իրեն արժանի պատիվը,Քանի որ զորեղ է նա ու փառահեղ:+
8 Եհովային իր անվանը վայել փառք տվեք,+Ընծա բերեք ու նրա գավիթները եկեք:
9 Շքեղ ու սուրբ հանդերձանքով* Եհովայի առաջ խոնարհվեք:*
Ո՛վ երկրի բոլոր մարդիկ, նրանից երկյուղեք:
10 Հայտարարեք ազգերի մեջ. «Եհովան Թագավոր է դարձել:+
Երկիրն ամուր հաստատված է. այն չի կարող սասանվել:
Ժողովուրդներին նա կդատի անաչառորեն»:+
11 Թող երկինքը ուրախանա, և երկիրը ցնծա,Թող ծովը և նրանում եղող ամեն բան աղմկեն որոտաձայն:+
12 Թող դաշտերն ու այնտեղ եղող ամեն ինչ հրճվեն,+Անտառի բոլոր ծառերը թող Եհովայի առաջ ցնծագին երգեն,+
13 Որովհետև նա գալիս է,*Գալիս է երկիրը դատելու:
Նա երկիրը կդատի արդարությամբ+Եվ ժողովուրդներին՝ հավատարմությամբ:+
Ծանոթագրություններ
^ Կամ հնարավոր է՝ «Քանի որ նրա սրբությունը վեհաշուք է»:
^ Կամ՝ «Եհովային պաշտեք»:
^ Կամ՝ «եկել է»:
