Օսեե 11։1-12
11 «Երբ Իսրայելը երեխա էր, ես սիրեցի նրան+Եվ Եգիպտոսից կանչեցի իմ որդուն:+
2 Բայց որքան շատ էր կանչվում,*Այնքան ավելի էր հեռանում:+
Զոհեր էր մատուցում Բահաղի կուռքերին+Եվ զոհերի ծուխն էր վեր հանում քանդակված կուռքերի համար:+
3 Մինչդեռ ես էի, որ Եփրեմին քայլել սովորեցրի՝+Առնելով նրան իմ բազուկների մեջ,+Իսկ նա չհասկացավ, որ ես էի բուժել իրեն:
4 Ես առաջնորդում էի իմ ժողովրդին բարության պարաններով՝* սիրո լարերով:+
Նրանց պարանոցներից* ես հանեցի լուծըԵվ ամեն մեկին քնքշորեն կերակրեցի:
5 Նրանք չեն վերադառնա Եգիպտոս,Բայց Ասորեստանը կթագավորի նրանց վրա,+Որովհետև նրանք չուզեցին վերադառնալ ինձ մոտ:+
6 Սուր կպտտվի նրանց քաղաքներում+ և կջարդի դրանց դարպասների նիգերը,*Կխժռի նրանց իրենց չար ծրագրերի համար:+
7 Իմ ժողովուրդը նորից ու նորից դավաճանության ճանապարհն է բռնում:+
Թեև նրանք դեպի վսեմն* են կանչվում, բայց ոչ մեկը տեղից վեր չի կենում:
8 Ինչպե՞ս կարող եմ հրաժարվել քեզանից, ո՛վ Եփրեմ:+
Քեզ ինչպե՞ս կարող եմ հանձնել քո թշնամիներին, ո՛վ Իսրայել:
Ինչպե՞ս կարող եմ քեզ հետ վարվել այնպես, ինչպես Ադմայի հետ վարվեցի:
Քեզ ինչպե՞ս կարող եմ բնաջինջ անել, ինչպես Սեբոյիմին:+
Միտքս* փոխվել է,Կարեկցանքս արթնացել է:+
9 Ես չեմ թափի իմ բորբոքված բարկությունը,Ո՛վ Եփրեմ, քեզ նորից չեմ կործանի.+
Չէ՞ որ ես Աստված եմ և ոչ թե մարդ,Քեզ հետ եղող Սուրբն եմ:
Ես քո դեմ չեմ գա ցասումով:
10 Իսրայելը ինձ՝ Եհովայիս կհետևի, և ես առյուծի պես կմռնչամ:+
Երբ մռնչամ, իմ որդիները ահուդողով կգան արևմուտքից:+
11 Նրանք Եգիպտոսից դուրս կգան՝ թռչնի պես դողալով,Ասորեստանից կգան երկչոտ աղավնու պես,+Եվ ես նրանց կբնակեցնեմ իրենց տներում,– ասում է Եհովան:+–
12 Եփրեմը ստերով է շրջապատել ինձ,Իսրայելի տունը խաբեությամբ է պարուրել:+
Բայց Հուդան դեռ քայլում է իմ ճանապարհներով*Եվ հավատարիմ է ինձ՝ Ամենասրբիս»:+
Ծանոթագրություններ
^ Այսինքն՝ կանչվում էր մարգարեների և այլ մարդկանց կողմից, որոնք ուղարկվել էին նրան կրթելու:
^ Բռց.՝ «մարդկային պարաններով»: Ըստ ամենայնի, խոսքը քայլաթոկի մասին է, որով ծնողը երեխային քայլել է սովորեցնում:
^ Բռց.՝ «ծնոտներից»:
^ Փայտե կամ երկաթե ձող՝ դռան հետևից գցելու և այն փակելու համար:
^ Այսինքն՝ դեպի ճշմարիտ պաշտամունքը, որը վեհ է ու բարձր:
^ Բռց.՝ «Սիրտս»:
^ Կամ՝ «քայլում է Աստծու հետ»:
