Օսեե 14։1-9
14 Ո՛վ Իսրայել, վերադարձի՛ր քո Աստված Եհովայի մոտ.+
Դու սայթաքել ես քո սխալի պատճառով:
2 Վերադարձի՛ր Եհովայի մոտ և ասա՛.
«Ներիր մեր մեղքերը,+ ընդունիր մեզնից այն, ինչը բարի է,Եվ մենք մեր շուրթերի գովաբանությունը կմատուցենք քեզ,+Ինչպես մատղաշ ցլեր կմատուցեինք:*
3 Ասորեստանը չի կարող փրկել մեզ:+
Մենք մեր հույսը ձիերի վրա չենք դնի+Եվ այլևս մեր ձեռքի գործին չենք ասի՝ «Ո՜վ մեր Աստված»,Որովհետև դու ես, որ գթասիրտ ես որբի* հանդեպ»:+
4 Աստված ասում է. «Իսրայելի անհավատարմությունը ես կբուժեմ,+Ի սրտե* կսիրեմ նրան,+Որովհետև այլևս բարկացած չեմ նրա վրա:+
5 Ես ասես ցող կլինեմ Իսրայելի համար,Եվ նա շուշանի պես կծաղկի,Լիբանանի ծառերի պես արմատներ կգցի:
6 Նրա շիվերը կտարածվեն,Նա ձիթենու պես շքեղ կլինիԵվ Լիբանանի ծառերի պես՝ անուշահոտ:
7 Իմ ժողովուրդը դարձյալ իմ հովանու տակ կբնակվի:
Նա առատ հացահատիկ կաճեցնի
Ու կբարգավաճի փթթուն վազի պես:+
Եվ իմ համբավը* կտարածվի, ինչպես Լիբանանի գինու հռչակը:
8 Եփրեմը կասի. «Էլ ի՞նչ գործ ունեմ կուռքերի հետ»:+
Ես էլ բարեհաճորեն կպատասխանեմ նրան և աչքս նրա վրա կպահեմ:+
Ես կլինեմ ասես փարթամ գիհի,Ասես մի ծառ, որը պտուղ կտա նրան»:
9 Ո՞վ է իմաստուն. թող հասկանա այս բաները:
Ո՞վ է խոհեմ. թող ըմբռնի դրանք:
Եհովայի ճանապարհներն ուղիղ են.+
Դրանցով կքայլեն արդարները,Իսկ օրինազանցները կսայթաքեն:
Ծանոթագրություններ
^ Բռց.՝ «Եվ մենք մեր շուրթերի մատղաշ ցլերը կմատուցենք»:
^ Կամ՝ «անհայր երեխայի»:
^ Բռց.՝ «Հոժարակամորեն»:
^ Բռց.՝ «հիշատակը»: