Օսեե 2։1-23
2 «Ասե՛ք ձեր եղբայրներին՝ «Դուք իմ ժողովո՜ւրդն եք»,*+Եվ ձեր քույրերին՝ «Ո՜վ կին, որին գթացել եմ»:*+
2 Դատապարտե՛ք ձեր մորը, դատապարտե՛ք նրան,Որովհետև նա իմ կինը չէ,+ և ես նրա ամուսինը չեմ:
Թող նա վերջ տա իր անբարոյականությանըԵվ հեռացնի դավաճանությունն իր կրծքերից,
3 Այլապես կմերկացնեմ նրանՈւ կթողնեմ այնպես, ինչպես իր ծնված օրն է եղել,Նրան անապատ կդարձնեմ,Անջուր երկրի կվերածեմՈւ կթողնեմ, որ մեռնի ծարավից:
4 Նրա զավակներին չեմ գթա,Քանի որ անառակության* պտուղ են:
5 Ձեր մայրը անբարոյականություն է գործում:+
Նա, ով հղի էր ձեզանով, ամոթալի բաներ է անում:+
Նա ասում է. «Գնամ կրքոտ սիրեկաններիս հետևից՝+Նրանց հետևից, ովքեր տալիս են իմ հացն ու ջուրը,Իմ բուրդն ու վուշը,* իմ յուղն ու ըմպելիքը»:
6 Ուստի ես փշերով պատնեշ կկանգնեցնեմ նրա ճանապարհին,Նրա դիմաց քարե պատ կշինեմ,Որ էլ ճամփա չգտնի:
7 Նա իր կրքոտ սիրեկանների հետևից կվազի, բայց չի հասնի,+Կփնտրի նրանց, բայց չի գտնի:
Եվ կասի. «Վերադառնամ ամուսնուս մոտ,*+Որովհետև այն ժամանակ ավելի լավ վիճակում էի, քան հիմա»:+
8 Նա չգիտակցեց, որ ես էի իրեն ցորեն,+ գինի ու յուղ տալիս,Ես էի առատորեն արծաթ ու ոսկի տալիս,Որոնցով, սակայն, նա Բահաղին էր պաշտում:+
9 Դրա համար էլ ես հնձի ժամանակ կվերցնեմ իմ ցորենըԵվ բերքահավաքի ժամանակ՝ իմ գինին,+Կխլեմ իմ բուրդն ու վուշը, որոնք պիտի ծածկեին նրա մերկությունը:
10 Իր սիրեկանների աչքերի առաջ կբացեմ նրա ամոթույքը,Եվ ոչ ոք չի ազատի նրան իմ ձեռքից:+
11 Վերջ կդնեմ նրա բոլոր ուրախություններին,Նրա հանդիսություններին,+ նորալուսնի տոներին, Շաբաթներին և բոլոր տոնակատարություններին:
12 Կավերեմ նրա՝ խաղողի ու թզենու այգիները, որոնց մասին նա ասում է.
«Դրանք իմ վարձն են, որ տվել են սիրեկաններս»:
Ես դրանք մացառուտ կդարձնեմ,Եվ վայրի կենդանիները կխժռեն դրանք:
13 Ես նրանից հաշիվ կպահանջեմ այն օրերի համար,Երբ զոհեր էր մատուցում Բահաղի կուռքերին,+Երբ պճնվում էր օղերով ու արդուզարդովԵվ իր սիրեկանների հետևից էր գնում,Իսկ ինձ մոռանում էր,+– ասում է Եհովան:–
14 Դրա համար էլ ես նրան համոզելով խելքի կբերեմ.
Անապատ կտանեմՈւ կխոսեմ նրա հետ, որ սիրտը շահեմ:
15 Ապա նրան կվերադարձնեմ իր խաղողի այգիները+Եվ Աքորի հովիտը*+ հույսի դուռ կդարձնեմ:
Այնտեղ նա իմ խոսքերին կարձագանքի, ինչպես իր երիտասարդության օրերում,Ինչպես այն օրը, երբ դուրս եկավ Եգիպտոսից:+
16 Երբ գա այդ օրը,– ասում է Եհովան,–Նա ինձ «իմ ամուսին» կկոչի և այլևս չի կոչի «իմ Բահաղ»:*
17 Ես նրա բերանից կհեռացնեմ Բահաղի կուռքերի անունները,+Եվ նա դրանց անունները այլևս չի հիշի:+
18 Այդ օրը ես իմ ժողովրդի համար ուխտ* կկապեմԴաշտի գազանների,+ երկնքի թռչունների և երկրի զեռունների հետ:+
Աղեղը, սուրն ու պատերազմը կվերացնեմ երկրից+Եվ կհոգամ, որ ժողովուրդս ապահով բնակվի:+
19 Ես կնշանվեմ նրա հետ, որ առհավետ իմը լինի,Կնշանվեմ՝ վարվելով նրա հետ արդարությամբ,Արդարադատությամբ, հավատարիմ սիրով ու գթասրտությամբ:+
20 Կնշանվեմ՝ վարվելով նրա հետ հավատարմությամբ,Եվ նա կճանաչի ինձ՝ Եհովայիս:+
21 Այդ օրը,– ասում է Եհովան,–Ես կկատարեմ երկնքի խնդրանքը,Երկինքն էլ կկատարի երկրի խնդրանքը,+
22 Երկիրն իր հերթին կտա ցորենի, գինու և յուղի խնդրածը,Նրանք էլ կտան Հեզրայելի* խնդրածը:+
23 Ես Հեզրայելին ինձ համար կցանեմ երկրում, ինչպես սերմն են ցանում,+Կգթամ նրան, որին չէի գթացել:*
Եվ նրան, ով իմ ժողովուրդը չէ,* կասեմ՝ «Դու իմ ժողովուրդն ես»,+Նա էլ կասի՝ «Դու իմ Աստվածն ես»»:+
Ծանոթագրություններ
^ Տես 1:9, ծնթ.:
^ Տես 1:6, ծնթ.:
^ Կամ՝ «մարմնավաճառության», «անբարոյականության»:
^ Կամ՝ «կտավը»:
^ Կամ՝ «ամուսնուս՝ իմ առաջինի մոտ»:
^ Կամ՝ «հարթավայրը»:
^ Կամ՝ «իմ տեր»:
^ Նշանակում է «Աստված սերմ կցանի»:
^ Տես 1:6, ծնթ.:
^ Տես 1:9, ծնթ.:
