Օսեե 6։1-11
6 «Եկեք հետ դառնանք Եհովայի մոտ.
Թեև նա պատառոտեց մեզ,+ բայց կբուժի,Թեև հարվածեց մեզ, բայց կկապի մեր վերքերը:
2 Նա կկենդանացնի մեզ երկու օր հետո,Երրորդ օրը մեզ կկանգնեցնի,Եվ մենք կապրենք նրա բարեհաճ հայացքի ներքո:
3 Մենք կճանաչենք Եհովային,Սրտանց կջանանք ավելի լավ ճանաչել նրան:
Նա հաստատ կգա, հաստատ, ինչպես լուսաբացը:
Նա մեզ մոտ կգա հորդառատ անձրևի պես,Գարնանային անձրևի պես, որն առատորեն ոռոգում է երկիրը»:
4 «Քեզ ի՞նչ անեմ, ո՛վ Եփրեմ:
Ինչպե՞ս վարվեմ քեզ հետ, ո՛վ Հուդա:
Ձեր սերն* ասես առավոտվա մշուշ լինի,Ասես ցող լինի, որ արագ անհետանում է:
5 Ահա թե ինչու մարգարեներիս պատգամներով ձեզ կջախջախեմ,*+Բերանիս խոսքերով կոչնչացնեմ:+
Ձեր դեմ ուղղված դատաստաններսՀստակ կերևան, ինչպես լույսը:+
6 Չէ՞ որ հավատարիմ սերն* է ինձ հաճելի, ոչ թե զոհերը,Ձեր Աստծուն ճանաչելը, ոչ թե ողջակեզները:+
7 Մինչդեռ իմ ժողովուրդը մեղավոր մարդու պես դրժել է ուխտը,+Իր երկրում դավաճանել է ինձ:
8 Գաղաադը չարիք գործողների քաղաք է՝+Արյան հետքերով լի:+
9 Քահանաները նման են ավազակախմբի,Որ դարան մտած սպասում է իր զոհին:
Նրանք սպանություն են գործում Սյուքեմի+ ճանապարհին,Քանի որ լկտի չարագործներ են:
10 Իսրայելի տան մեջ սարսափելի բան տեսա:
Այնտեղ Եփրեմը անբարոյականություն է անում,+Իսրայելը պղծում է իրեն:+
11 Ինչ վերաբերում է քեզ, ո՛վ Հուդա, ժամանակ է սահմանված,Երբ բերքի պես կհավաքեմ քեզ,Երբ հետ կբերեմ իմ ժողովրդի գերիներին»:+
Ծանոթագրություններ
^ Բառարանում տես «Հավատարիմ սեր»:
^ Բռց.՝ «հարվածելով կկտրեմ»:
^ Կամ՝ «գթասրտությունը»: