Օսեե 8։1-14
8 «Եղջերափո՛ղ հնչեցրու:+
Թշնամին արծվի պես հարձակվում է իմ ժողովրդի՝ Եհովայի ժողովրդի* վրա,+Որովհետև նրանք դրժեցին իմ ուխտը+ և խախտեցին իմ օրենքը:+
2 Դիմելով ինձ՝ նրանք գոչում են.
«Ո՛վ մեր Աստված, մենք՝ իսրայելացիներս, ճանաչում ենք քեզ»:+
3 Այնինչ Իսրայելը մերժել է բարին:+
Թող թշնամին հետապնդի նրան:
4 Նա թագավորներ է կարգել, բայց ոչ իմ համաձայնությամբ,Իշխաններ է նշանակել, բայց առանց իմ հավանության:
Իր արծաթով ու ոսկով կուռքեր է շինել,+Որ իր գլխին կործանում բերի:+
5 Ես դեն եմ նետել քո կուռքը՝ քո հորթը, ո՛վ Սամարիա:+
Իմ բարկությունը բորբոքվել է քո դեմ:+
Դեռ ինչքա՞ն ժամանակ չես կարողանալու մաքրվել:
6 Այս հորթը Իսրայելի ձեռքի գործն է.
Արհեստավորն է այն շինել, և այն Աստված չէ:
Սամարիայի հորթը փշուր-փշուր կլինի:
7 Նրանք քամի են ցանում,Ուստի փոթորիկ կհնձեն:+
Ոչ մի ցողունի վրա հասուն հասկ չկա:+
Ինչն էլ աճում է, դրանից ալյուր չեն ստանում:
Եթե ստանան էլ, օտարները կուտեն:+
8 Իսրայելին կուլ կտան:+
Նա կցրվի ազգերի մեջ,+ անպիտան անոթ կլինի,
9 Որովհետև իր ճամփան բռնած վայրի էշի պես գնացել է Ասորեստան:+
Սիրուհիներ է վարձել Եփրեմը:+
10 Եփրեմը նրանց վարձում է ազգերի միջից,Բայց ես հիմա քշելով կհավաքեմ նրան,Ու նա կտանջվի+ թագավորի և իշխանների դրած բեռից:
11 Եփրեմը շատացրել է զոհասեղաններն ու այդպիսով մեղք գործել:+
Նրա զոհասեղանները մեղք գործելու համար են:+
12 Ես նրա համար բազում օրենքներ եմ գրել,Բայց նա խորթ է համարում դրանք:+
13 Նա ինձ զոհեր է մատուցում որպես ընծա և ուտում միսը,Բայց ինձ՝ Եհովայիս, հաճելի չեն նրա ընծաները:+
Հիմա ես կհիշեմ նրա հանցանքը և կպատժեմ նրան իր մեղքերի համար:+
Նա շրջվել է դեպի Եգիպտոսը:*+
14 Իսրայելը մոռացել է իրեն Ստեղծողին+ և տաճարներ է կառուցել,+Իսկ Հուդան շատացրել է ամրացված քաղաքները:+
Բայց ես կրակ կգցեմ նրա քաղաքների մեջ,Եվ այն կլափի դրանց աշտարակները»:+
