Օսեե 9։1-17
9 «Մի՛ ցնծա, ո՛վ Իսրայել,+Մի՛ ուրախացիր մյուս ժողովուրդների պես,Որովհետև անբարոյականություն անելով՝ դու հեռացել ես քո Աստծուց:+
Դու սիրում ես մարմնավաճառության վարձը,Որ ստանում ես բոլոր կալատեղերում:*+
2 Բայց կալն ու հնձանը չեն կերակրի քեզ,Եվ մաճար չես ունենա:+
3 Իսրայելը այլևս չի բնակվի Եհովայի երկրում:+
Փոխարենը Եփրեմը Եգիպտոս կվերադառնաԵվ Ասորեստանում կուտի այն, ինչ անմաքուր է:+
4 Նա այլևս գինի չի ընծայի Եհովային,+Իր զոհերը հաճելի չեն լինի նրան:+
Դրանք նման կլինեն սգո հացի.
Բոլոր ուտողները կպղծվեն:
Իսրայելացիների հացը միայն իրենց համար է.
Այն չի կարող բերվել Եհովայի տուն:
5 Ի՞նչ եք անելու այն օրը, երբ պետք է հավաքվեք,*Երբ պետք է Եհովային նվիրված տոն նշեք:
6 Չէ՞ որ կործանում է գալու, և ստիպված եք լինելու փախչել:+
Եգիպտոսը ձեզ մեկտեղ կհավաքի,+ և Մեմփիսը կթաղի:+
Եղինջը կտիրի ձեր արծաթե թանկարժեք իրերին,Եվ ձեր վրաններում փշեր կաճեն:
7 Կգան ձեզնից հաշիվ պահանջելու օրերը,+Ձեզ հատուցում տալու օրերը վրա կհասնեն:
Այդ ժամանակ Իսրայելը կհասկանա:
Ձեր մարգարեն ձեր աչքին հիմար կլինի,Նա, ով իբրև թե Աստծուց էր ներշնչված, խենթ կթվա:
Շատ են ձեր հանցանքները, դրա համար էլ մեծ է ձեր դեմ թշնամանքը»:
8 Մի ժամանակ Եփրեմի ժամապահը+ իմ Աստծու հետ էր:+
Բայց հիմա նրա մարգարեների բոլոր ճանապարհները+ ասես թռչնորսի թակարդներ լինեն:
Նրա Աստծու տանը թշնամանք կա:
9 Իսրայելացիները թաղված են ապականության մեջ, ինչպես որ մի ժամանակ Գաբաայում ապրողներն էին:+
Ուստի Աստված կհիշի նրանց հանցանքը,Նրանց կպատժի իրենց մեղքերի համար:+
10 «Երբ գտա Իսրայելին, ասես անապատում խաղող գտած լինեի:+
Երբ տեսա ձեր նախահայրերին, ասես թզենու առաջին պտուղ տեսած լինեի:
Սակայն նրանք Փեգորի Բահաղի մոտ գնացին,+Այդ ամոթալի բանին* նվիրվեցին+Եվ իրենց սիրո առարկայի պես նողկալի դարձան:
11 Եփրեմի փառքը թռչնի պես թռչում հեռանում է:
Չկա ո՛չ ծնունդ, ո՛չ հղիություն, ո՛չ բեղմնավորում:+
12 Եթե զավակներ էլ մեծացնեն,Ես կխլեմ նրանց, և մեկն էլ չի մնա:+
Այո՛, վա՜յ նրանց, երբ երես թեքեմ իրենցից:+
13 Եփրեմը, որ տնկված էր գեղեցիկ արոտավայրում, իմ աչքին ասես Տյուրոսը լիներ,+Իսկ հիմա նա իր որդիներին պետք է դուրս բերի մորթվելու»:
14 Ո՛վ Եհովա, տուր նրանց այն, ինչին արժանի են՝Վիժող արգանդ և ցամաքած կրծքեր:
15 «Նրանց բոլոր վատ գործերը Գաղգաղայում կատարվեցին,+Ուստի այնտեղ էր, որ ես սկսեցի ատել նրանց:
Իրենց չար գործերի համար ես կվռնդեմ նրանց իմ երկրից:*+
Այլևս չեմ սիրի նրանց:+
Նրանց բոլոր իշխանները պնդաճակատ են:
16 Եփրեմը կտապալվի:+
Նրա արմատը կչորանա, նա պտուղ չի տա:
Եթե տա էլ, ես մահվան կմատնեմ նրա թանկագին զավակներին»:
17 Իմ Աստվածը կմերժի Իսրայելին,Որովհետև Իսրայելը չլսեց իրեն.+
Նա փախստական կդառնա ազգերի մեջ:+
Ծանոթագրություններ
^ Հացահատիկը տրորելու, մանրելու տեղ:
^ Կամ՝ «տոնախմբության համար սահմանված օրը»:
^ Կամ՝ «ամոթալի աստծուն»:
^ Բռց.՝ «տնից»:
