1 Տարեգրություն 18։1-17
18 Որոշ ժամանակ անց Դավիթը պարտության մատնեց փղշտացիներին ու հպատակեցրեց նրանց:+ Նա փղշտացիների ձեռքից վերցրեց Գեթը+ և դրա կախյալ* ավանները:
2 Հետո Դավիթը հաղթեց մովաբացիներին,+ և նրանք դարձան նրա ծառաները ու սկսեցին տուրք վճարել նրան:+
3 Դավիթը Եմաթի+ մոտ պարտության մատնեց Զոբայի+ թագավոր Ադրազարին,+ երբ վերջինս գնում էր վերականգնելու իր իշխանությունը Եփրատի շրջանում:+
4 Դավիթը ավար վերցրեց 1 000 մարտակառք և գերեվարեց 7 000 հեծյալ ու 20 000 հետևակ:+ Ապա բոլոր մարտակառքերի ձիերին ջլատեց, բայց 100-ին խնայեց:+
5 Երբ Դամասկոսի ասորիները եկան, որ օգնեն Զոբայի թագավոր Ադրազարին, Դավիթը ասորիներից 22 000 հոգու կոտորեց:+
6 Դրանից հետո նա Ասորիքի Դամասկոսում կայազորներ տեղակայեց, և ասորիները նրա ծառաները դարձան ու սկսեցին տուրք վճարել նրան: Ուր էլ որ Դավիթը գնում էր, Եհովան նրան հաղթանակ* էր շնորհում:+
7 Դավիթը Ադրազարի ծառաներից վերցրեց նրանց ոսկե կլոր վահաններն ու բերեց Երուսաղեմ,
8 իսկ Տեբաթից և Քունից՝ Ադրազարի քաղաքներից, մեծ քանակությամբ պղինձ վերցրեց: Հետագայում Սողոմոնը դրանով պատրաստեց պղնձե ծովը,+ սյուները և պղնձե պիտույքները:+
9 Երբ Եմաթի թագավոր Թովուն լսեց, որ Դավիթը ջախջախել է Զոբայի թագավոր Ադրազարի+ ամբողջ զորքը,+
10 իր որդուն՝ Հադորամին, անմիջապես ուղարկեց Դավթի մոտ՝ նրա ողջությունը հարցնելու և շնորհավորելու Ադրազարին հաղթելու կապակցությամբ (բանն այն է, որ Ադրազարը շատ էր պատերազմել Թովուի դեմ): Հադորամն իր հետ բերեց արծաթե, ոսկե ու պղնձե ամեն տեսակ իրեր:
11 Դավիթ թագավորը դրանք Եհովային նվիրեց,*+ ինչպես որ նվիրել էր այն արծաթն ու ոսկին, որոնք վերցրել էր այս բոլոր ազգերից՝ եդոմացիներից, մովաբացիներից, ամմոնացիներից,+ փղշտացիներից+ և ամաղեկացիներից:+
12 Շարուհեայի որդի+ Աբեսսան+ Աղի հովտում 18 000 եդոմացու կոտորեց:+
13 Նա Եդոմում կայազորներ տեղակայեց, և բոլոր եդոմացիները Դավթի ծառաները դարձան:+ Ուր էլ որ Դավիթը գնում էր, Եհովան նրան հաղթանակ* էր շնորհում:+
14 Դավիթը թագավորում էր ամբողջ Իսրայելի վրա+ և իր ժողովրդին ղեկավարելիս արդարություն ու արդարադատություն էր իրագործում:+
15 Շարուհեայի որդի Հովաբը զորքի հրամանատարն էր,+ Աքիլուդի որդի Հովսափատը+ տարեգիր էր,
16 Աքիտոբի որդի Սադոկը և Աբիաթարի որդի Աքիմելեքը քահանաներ էին, Սուսան քարտուղար էր,
17 Հովիադայի որդի Բանեան քերեթցիների+ ու փելեթցիների*+ պետն էր, իսկ Դավթի որդիները թագավորից հետո ամենաազդեցիկ պաշտոնյաներն էին:
Ծանոթագրություններ
^ Կամ՝ «շրջակա»:
^ Կամ՝ «փրկություն»:
^ Բռց.՝ «Եհովայի համար սրբագործեց»: Բառարանում տես «Սրբագործել»:
^ Կամ՝ «փրկություն»:
^ Այսինքն՝ Դավթի անձնական թիկնապահների:
