2 Սամուել 22։1-51
22 Դավիթն այս երգի+ խոսքերը Եհովային ուղղեց այն օրը, երբ Եհովան ազատեց նրան իր բոլոր թշնամիների+ և Սավուղի ձեռքից:+
2 Նա ասաց.
«Եհովան իմ վեմն է, իմ ամրոցը,+ նա է ինձ փրկում:+
3 Իմ Աստվածը իմ ժայռն է.+ նրա մոտ եմ ես ապաստանում:
Իմ վահանն է+ նա, իմ հզոր փրկիչը,* իմ ապահով ապաստանը,+Իմ պատսպարանն+ ու իմ ազատարարը:+
Դու ես փրկում ինձ բռնությունից:
4 Եհովային եմ կանչում օգնության՝Նրան, ով արժանի է գովաբանության.
Նա ինձ կփրկի իմ թշնամիներից:
5 Մահվան ալիքները մոլեգնեցին շուրջս,+Հեղեղի պես հորդած անպիտան մարդիկ ինձ սարսափեցրին:+
6 Գերեզմանն* իր կապանքներով ինձ պարուրեց,+Մահն իմ առաջ ծուղակներ դրեց:+
7 Իմ նեղության մեջ ես Եհովային կանչեցի,+Օգնության աղաղակով շարունակ իմ Աստծուն դիմեցի:
Իր տաճարից նա լսեց իմ ձայնը,Նրա ականջին հասավ օգնության իմ կանչը:+
8 Երկիրը սկսեց ցնցվել, երերալ,+Երկնքի հիմքերը սասանվեցին,+Նրա բարկությունից ցնցվեցին:+
9 Նրա քթից ծուխ ելավ,Նրա բերանից սպառող կրակ դուրս եկավ,+Եվ բոցավառ ածուխներ ժայթքեցին նրանից:
10 Նա խոնարհեցրեց երկինքը, երբ իջնում էր:+
Նրա ոտքերի տակ թանձր խավար էր:+
11 Նա թռավ-եկավ՝ քերովբե հեծած,+Ու երևաց՝ ոգեղեն էակի* թևերին նստած:+
12 Հետո իրեն պատեց խավարով՝Մուգ ու թանձր անձրևաբեր ամպերով,Ասես ծածկեց վրանով:+
13 Նրա շուրջը փայլատակող լույսերից ածուխներ բոցավառվեցին:
14 Երկնքից Եհովան որոտաց,+Բարձրյալն իր ձայնը թնդացրեց:+
15 Նա արձակեց իր նետերն+ ու թշնամիներիս ցրեց,Շանթեր տեղաց ու նրանց խուճապի մատնեց:+
16 Եհովայի սաստումից,Նրա ռունգերի ահեղ շնչից+Ծովի հատակը երևաց,+Երկրի հիմքերը մերկացան:
17 Բարձունքից նա իր ձեռքը մեկնեց,Բռնեց ինձ ու խոր ջրերից դուրս հանեց:+
18 Նա փրկեց ինձ իմ զորեղ թշնամիներից,+Ինձ ատողներից, որ ուժեղ էին ինձանից:
19 Իմ նեղության օրը նրանք իմ դեմ դուրս եկան,+Բայց Եհովան աջակից եղավ ինձ:
20 Նա ինձ մի անվտանգ* տեղ բերեց,+Փրկեց ինձ, որովհետև հավանեց:+
21 Եհովան ինձ վարձատրում է իմ արդարության համար,+Վարձահատույց է լինում իմ անմեղության* համար,+
22 Որովհետև Եհովայի ճանապարհներից ես չեմ հեռացել,Չարիք չեմ գործել՝ իմ Աստծուն չեմ թողել:
23 Նրա բոլոր օրենքները+ մտքումս եմ պահում.
Նրա կանոններից ես չեմ շեղվի:+
24 Նրա առաջ անարատ+ կմնամ,Հանցանք գործելուց կզգուշանամ:+
25 Թող Եհովան իմ արդարության համար ինձ հատուցի,+Իր առաջ անմեղ լինելուս համար թող վարձատրի:+
26 Նվիրվածի հետ դու նվիրվածությամբ ես վարվում,+Անարատ մարդու* հետ՝ անարատությամբ,+
27 Մաքուրի հետ մաքուր ես,+Իսկ խարդախի հետ՝ խորագետ:*+
28 Խոնարհ մարդկանց դու փրկում ես,+Բայց գոռոզներին բարեհաճությամբ չես նայումՈւ նրանց ցածրացնում ես:+
29 Ո՛վ Եհովա, դու իմ ճրագն ես.+
Եհովան է լուսավորում ինձ շրջապատող խավարը:+
30 Քո օգնությամբ կարող եմ հրոսակախմբի դեմ կռվել,Աստծու զորությամբ կարող եմ պարիսպ մագլցել:+
31 Ճշմարիտ Աստծու ճանապարհը կատարյալ է,+Եհովայի խոսքը մաքուր* է:+
Իր մոտ ապաստանողների համար նա վահան է:+
32 Ո՞վ է Աստված՝ Եհովայից բացի,+Ո՞վ է վեմ՝ մեր Աստծուց բացի:+
33 Ճշմարիտ Աստված իմ ամրոցն է,+Նա կհարթեցնի իմ ճանապարհը:+
34 Ոտքերս եղնիկի ոտքերի պես է դարձնում,Զառիթափ բարձունքի վրա ինձ հաստատուն կանգնեցնում:+
35 Ձեռքերս մարզում է, որ կարողանամ պատերազմել,Բազուկներս կարող են պղնձե աղեղ ծռել:
36 Քո փրկարար վահանով դու ինձ պաշտպանում ես,Եվ քո խոնարհությամբ ինձ բարձրացնում ես:+
37 Դու ընդարձակում ես ճանապարհը ոտքերիս,Այնպես որ ես չեմ սայթաքի քայլելիս:+
38 Թշնամիներիս կհետապնդեմ ու կոչնչացնեմԵվ հետ չեմ դառնա, մինչև որ նրանք չբնաջնջվեն:
39 Ես նրանց կվերացնեմ,Եվ այնպես կջախջախեմ, որ էլ վեր չեն կենա.+
Նրանք կընկնեն ոտքերիս տակ:
40 Կռվի համար ինձ զորությամբ կզինես,+Իմ ոսոխներին ոտքերիս տակ կգցես:+
41 Իմ առաջ փախուստի կմատնես իմ թշնամիներին,*+Եվ ես կվերացնեմ* ինձ ատողներին:+
42 Նրանք աղաղակում են օգնության համար, բայց փրկող չկա:
Նույնիսկ Եհովային են կանչում, բայց նա չի պատասխանում:+
43 Ես նրանց փոշու կվերածեմ,Փողոցի ցեխի պես կճխլեմ ու կտրորեմ:
44 Իմ ժողովրդի մեղադրանքից դու ինձ կազատես,+Կպաշտպանես ինձ, որ ազգերի գլուխը լինեմ:+
Ժողովուրդը, որին չեմ ճանաչել, կծառայի ինձ:+
45 Օտարազգիները ստրկաբար կխոնարհվեն իմ առաջ.+
Այն, ինչ կլսեն իմ մասին, կմղի նրանց ենթարկվելու ինձ:
46 Նրանք իրենց քաջությունը կկորցնեն*Եվ դողալով իրենց ամրոցներից դուրս կելնեն:
47 Կենդանի Աստված է Եհովան:
Իմ Վեմը թող գովաբանվի,+Իմ փրկության վեմը թող մեծարվի:+
48 Ճշմարիտ Աստված ինձ համար վրեժխնդիր է լինում,+Ժողովուրդներին ինձ է հպատակեցնում+
49 Եվ փրկում է ինձ իմ թշնամիներից:
Դու ինձ վեր ես հանում,+ որ հարձակվողները չհասնեն ինձ,Եվ ազատում ես բռնարար մարդու ձեռքից:+
50 Դրա համար, ո՛վ Եհովա, ազգերի մեջ երախտագիտությունս կհայտնեմ քեզ+Եվ քո անունը կգովերգեմ:*+
51 Նա մեծ հաղթանակներով* փրկում է իր թագավորին,+Հավատարիմ սիրով է սիրում իր օծյալին՝Դավթին ու նրա սերնդին հավիտյան»:+
Ծանոթագրություններ
^ Եբր.՝ շեոլ: Բառարանում տես «Գերեզման»:
^ Կամ՝ «քամու»:
^ Կամ՝ «լայնարձակ»:
^ Բռց.՝ «ձեռքերի մաքրության»:
^ Բռց.՝ «Անարատ հզորի»:
^ Կամ հնարավոր է՝ «խարդախի հետ անմիտի պես ես վարվում»: Այսինքն՝ Աստծու վարվելակերպը այդպիսին է խարդախ մարդու տեսանկյունից:
^ Կամ՝ «զտված»:
^ Բռց.՝ «Իմ թշնամիների ծոծրակը կտաս ինձ»:
^ Բռց.՝ «կլռեցնեմ»:
^ Կամ՝ «կթուլանան»:
^ Կամ՝ «նվագակցությամբ կգովերգեմ»:
^ Կամ՝ «գործերով»:
