Երկրորդ Օրենք 33։1-29
33 Ճշմարիտ Աստծու մարդ Մովսեսը իր մահից առաջ օրհնության խոսքեր ուղղեց իսրայելացիներին:+
2 Նա ասաց.
«Եհովան եկավ Սինայից,+Իր ժողովրդի վրա լույս ճառագեց Սեիրից,Փառքով ցոլաց Փառանի լեռնային շրջանից:+
Նրա հետ էին բյուրավոր սուրբ հրեշտակները,*+Նրա աջ կողմում էին իր ռազմիկները:+
3 Իր ժողովրդին նա ջերմորեն սիրում էր,+Իր սուրբ ժողովուրդն իր ձեռքում էր:+
Նրա ոտքերի մոտ էին նստում+Եվ նրա խոսքերը լսում:+
4 (Մովսեսը օրենք տվեց.
Այն պատկանում է Հակոբի ժողովրդին):*+
5 Երբ հավաքվեցին ժողովրդի գլուխները+Եվ նրանց հետ՝ Իսրայելի բոլոր ցեղերը,+Աստված դարձավ Հեսուրունի*+ թագավորը»:
6 Ռուբենի մասին Մովսեսն ասաց.
«Թող Ռուբենն ապրի ու մահ չտեսնի,+Իր մարդկանց թիվը թող չպակասի»:+
7 Հուդայի մասին ասաց.+
«Ո՛վ Եհովա, լսի՛ր Հուդային,+Վերադարձրո՛ւ նրան իր ժողովրդին:
Նա իր բազկով պաշտպանում է,* ինչ իրեն է պատկանում.
Օգնի՛ր նրան թշնամու դեմ պայքարում»:+
8 Ղևիի մասին ասաց.+
«Ո՛վ Աստված, թումիմդ և ուրիմդ*+ պատկանում են քեզ նվիրվածին,+Որին դու Մասսայում ստուգեցիր,+Մերիբայի ջրերի մոտ հետը վիճեցիր՝+
9 Նրան, ով հայր ու մայր հաշվի չառավ,Եղբայրների կողմը չբռնեց,+Ոչ էլ զավակ ճանաչեց,Որպեսզի քո խոսքը պահիԵվ քո ուխտը չդրժի:+
10 Թող նա Հակոբին քո պատվիրանները սովորեցնի,+Իսրայելին քո Օրենքն ուսուցանի:+
Թող խունկ մատուցի քեզ, որ դրա հաճելի բույրն առնես,+Եվ զոհասեղանիդ վրա թող ողջակեզ մատուցի:+
11 Ո՛վ Եհովա, օրհնի՛ր նրան՝ տալով զորություն,Նրա գործերին տուր հավանություն:
Կոտրի՛ր նրա դեմ դուրս եկողների ոտքերը,*Որ այլևս ոտքի չելնեն նրան ատողները»:
12 Բենիամինի մասին ասաց.+
«Թող Եհովայի սիրելին ապահով բնակվի նրա մոտ:
Նա օրնիբուն իր հովանու տակ նրան կպահի,Մինչ նա նրա ուսերի վրա կապրի»:
13 Հովսեփի մասին ասաց.+
«Թող Եհովան օրհնի նրա երկիրը+Երկնքի ճոխ բարիքներով, ցողով,Ստորգետնյա աղբյուրների ջրերով,+
14 Արևահաս հրաշալի պտուղներով,Ամենամսյա ընտիր բերքով,+
15 Հինավուրց* լեռների լավագույն բարիքներով,+Դարավոր բլուրների հրաշալիքներով,
16 Երկրի ընտիր արդյունքներով ու հարստությամբ,+Փշաթփի մեջ Հայտնվածի բարեհաճությամբ:+
Թող այս օրհնությունները Հովսեփի գլխին թափվեն,Եղբայրների միջից ընտրվածի գլուխը թող պսակեն:+
17 Նա հուժկու է, ինչպես առաջնեկ ցուլը,Վայրի ցլի եղջյուրներ են նրա եղջյուրները:
Դրանցով նա հետ կմղի* ժողովուրդներին,Մինչև աշխարհի ծայրը կքշի բոլորին:
Եփրեմի բյուրավորներն են*+ այդ եղջյուրներըԵվ Մանասեի հազարավորները»:
18 Զաբուղոնի մասին ասաց.+
«Թող ցնծա Զաբուղոնը իր ձեռնարկումներում,*Թող Իսաքարը ուրախ բնակվի իր վրաններում:+
19 Նրանք ժողովուրդներին դեպի լեռը կկանչենԵվ այնտեղ անարատությամբ զոհեր կմատուցեն:*
Չէ՞ որ նրանք կվայելեն ծովերի առատ հարստությունըԵվ ավազներում թաքնված գանձերը»:
20 Գադի մասին ասաց.+
«Գադի սահմանն ընդարձակողը թող օրհնյալ լինի:+
Նա մեկնվել է ինչպես մի առյուծՊատրաստ է հոշոտելու թևն ու գլուխը իր զոհի:
21 Առաջինը նա՛ բաժին կընտրի ու կվերցնի լավագույնը՝+Այն բաժինը, որն օրենք տվողը առանձնացրեց նրա համար:+
Ժողովրդի գլխավորների հետ միավորվելով՝Նա կհաստատի Եհովայի արդարությունը,Նրա դատավճիռները կիրագործի Իսրայելի համար»:
22 Դանի մասին ասաց.+
«Առյուծի ձագ է Դանը,+Նա ոստյունով կհարձակվի Բասանից»:+
23 Նեփթաղիմի մասին ասաց.+
«Նեփթաղիմը լիուլի կվայելի Եհովայի բարությունըԵվ նրա առատ օրհնությունը:
Թող նա նվաճի հարավն ու արևմուտքը»:
24 Ասերի մասին ասաց.+
«Ասերը որդիներով է օրհնված:
Թող նա իր եղբայրների բարեհաճությունը վայելիԵվ թող իր ոտքերը յուղի մեջ թաթախի:
25 Երկաթից ու պղնձից են նրա դարպասի փականները,+Ապահովության մեջ կանցնեն նրա կյանքի բոլոր օրերը»:*
26 Ապա Մովսեսը շարունակեց.
«Ո՛վ Հեսուրուն,+ չկա քո ճշմարիտ Աստծու նման,+Ով երկնքով գալիս է քեզ օգնության,Ով ամպերի վրա սլանում է իր վեհությամբ:+
27 Հնուց ի վեր ապաստան է Աստված,+Նա քեզ տանում է՝ իր դարավոր բազուկների վրա պահած:+
Նա քո առաջից կքշի թշնամիներիդ+Ու քեզ կասի՝ ոչնչացրո՛ւ նրանց:+
28 Ապահով կբնակվի Իսրայելը,Անխռով կապրեն Հակոբի սերունդները*Հացահատիկով ու գինով հարուստ մի երկրում,+Այնտեղ, ուր երկնքից ցող է կաթում:+
29 Երջանիկ ես դու, ո՛վ Իսրայել,+Ո՞վ կարող է քեզ հետ համեմատվել:+
Դու մի ժողովուրդ ես, որի փրկությունը Եհովան է,+Նա քեզ պաշտպանող վահանն է,+ քո փառահեղ սուրն է:
Քո առաջ կուչ կգան թշնամիներդ,+Նրանց մեջքին* կդնես ոտքդ»:
Ծանոթագրություններ
^ Կամ՝ «տասնյակ հազարավոր սրբերը»:
^ Բռց.՝ «ժողովին»:
^ Նշանակում է «արդար», Իսրայելին վերաբերող պատվավոր տիտղոս:
^ Կամ՝ «պայքարում է այն բանի համար»:
^ Բառարանում տես «Ուրիմ և թումիմ»:
^ Կամ՝ «մեջքը»:
^ Կամ հնարավոր է՝ «Արևելքի»:
^ Կամ՝ «կպոզահարի»:
^ Կամ՝ «տասնյակ հազարավորներն են»:
^ Բռց.՝ «Ցնծա, Զաբուղո՛ն, քո դուրս գալով»:
^ Կամ՝ «զոհեր կմատուցեն որպես ճիշտն անող մարդիկ»:
^ Բռց.՝ «Քո ուժը քո օրերի չափ կլինի»:
^ Բռց.՝ «Հակոբի աղբյուրը առանձին կլինի»:
^ Կամ հնարավոր է՝ «բարձր տեղերին»:
