3 Հովհաննես 1։1-14
1 Ես՝ տարեցս,* գրում եմ սիրելի Գայոսին, ում անկեղծորեն սիրում եմ:
2 Սիրելի՛ եղբայր, աղոթում եմ, որ առողջ լինես և ամեն ինչում հաջողություն ունենաս, ինչպես որ հիմա ունես:
3 Շատ ուրախացա, երբ եղբայրները եկան ու պատմեցին, որ դու կառչած ես ճշմարտությանը և շարունակում ես ճշմարտության համաձայն ապրել:+
4 Ուրախանալու* ավելի մեծ պատճառ չունեմ, քան այն, որ լսում եմ՝ զավակներս շարունակում են քայլել ճշմարտության ուղով:+
5 Սիրելի՛ ընկեր, այն, ինչ անում ես եղբայրների համար, չնայած որ չես ճանաչում նրանց, խոսում է քո հավատարմության մասին:+
6 Նրանք ժողովի առաջ պատմել են քո սիրո մասին: Խնդրում եմ, որ ճանապարհ դնես նրանց այնպես, ինչպես հաճելի է Աստծուն,+
7 քանի որ հանուն նրա անվան են ճանապարհ ընկել և այլազգիներից* որևէ բան չեն վերցրել:+
8 Ուստի մենք պարտավոր ենք հյուրասիրություն ցույց տալ նման մարդկանց,+ որպեսզի համագործակիցներ լինենք ճշմարտության տարածման գործում:+
9 Ես նամակ գրեցի ժողովին, բայց Դիոտրեֆեսը, որն ուզում է ձեր մեջ առաջինը լինել,+ մեր ոչ մի ասածը հարգանքով չի ընդունում:+
10 Դրա համար էլ, եթե գամ, կհիշեցնեմ այն գործերը, որ նա անում է՝ մեր մասին վատ բաներ տարածելով:+ Նա դրանով էլ չի բավարարվում. բացի նրանից, որ հարգանքով չի ընդունում եղբայրներին,+ ընդունել ցանկացողներին էլ փորձում է խանգարել ու վտարել ժողովից:
11 Սիրելի՛ եղբայր, ընդօրինակիր ոչ թե չարը, այլ բարին:+ Ով բարին է անում, Աստծուց է,+ իսկ ով չարն է անում, Աստծուն չի տեսել:+
12 Դեմետրիոսի մասին բոլոր եղբայրները լավն են խոսում, և նրանց խոսքերին թիկունք է կանգնում այն, որ նա ճշմարտության համաձայն է ապրում: Մենք էլ ենք լավը խոսում* նրա մասին, և դու գիտես, որ մեր ասածը ճիշտ է:
13 Շատ բաներ ունեմ քեզ ասելու, բայց չեմ ուզում թանաքով ու գրչով գրել:
14 Հուսով եմ՝ շուտով կտեսնեմ քեզ, և երես առ երես կխոսենք:
Խաղաղությո՛ւն քեզ:
Ընկերները բարևներ են ուղարկում քեզ: Իմ կողմից անուն առ անուն բարևիր ընկերներին:
Ծանոթագրություններ
^ Կամ՝ «երեցս»:
^ Կամ հնարավոր է՝ «Երախտագետ լինելու»:
^ Խոսքը Քրիստոսին չհավատացող ոչ հրեա մարդկանց մասին է:
^ Բռց.՝ «վկայում»:
