Ամեն տարի բազմաթիվ ոչ ակտիվ քարոզիչներ են գալիս Հիշատակի երեկոյին։ Նրանք սկսել են վազել կյանքի մրցավազքը, բայց տարբեր պատճառներով դանդաղեցրել են իրենց ընթացքը։ Այդ պատճառներից մի քանիսի մասին խոսվում է «Վերադարձիր Եհովայի մոտ» գրքույկում (Եբ 12։1)։ Բայց Եհովան, ով փրկագնել է նրանց իր որդու արյամբ, շարունակում է սիրել ու թանկ համարել նրանց (Գրծ 20։28; 1Պտ 1։18, 19)։ Ինչպե՞ս կարող ենք օգնել նրանց վերադառնալու ժողով։

Ժողովի երեցները ձգտում են գտնել և օգնել ոչ ակտիվ քրիստոնյաներին, ինչպես հոգատար հովիվն է փնտրում այն գառնուկին, ով հեռացել է հոտից (Ղկ 15։4–7)։ Դա Եհովայի սիրառատ հոգատարության դրսևորումն է (Եր 23։3, 4)։ Նման անհատներին կարող են օգնել ոչ միայն երեցները, այլև բոլորս։ Նրանց հանդեպ բարություն դրսևորելով՝ մենք կհաճեցնենք Եհովային և ուրախություն կստանանք (Առ 19։17; Գրծ 20։35)։ Ուստի մտածիր, թե ում կարող ես քաջալերել, և անմիջապես գործի անցիր։

ԴԻՏԵՔ «ՕԳՆԵՆՔ ՈՉ ԱԿՏԻՎ ՔԱՐՈԶԻՉՆԵՐԻՆ» ՏԵՍԱՆՅՈՒԹԸ, ԻՍԿ ՀԵՏՈ ՔՆՆԱՐԿԵՔ ՀԵՏԵՎՅԱԼ ՀԱՐՑԵՐԸ.

• Ի՞նչ նախաձեռնեց Էբին, երբ հանդիպեց մի Վկայի, ում չէր ճանաչում։

• Ինչո՞ւ պետք է մոտենանք երեցներին, եթե ցանկանում ենք օգնել որևէ ոչ ակտիվ քարոզչի։

• Ի՞նչ արեց Էբին Լորային երկրորդ անգամ այցելելուց առաջ։

• Ինչպե՞ս Էբին ցուցաբերեց հաստատակամություն, համբերություն և սեր։

• Ի՞նչ կարող ենք սովորել Հիսուսի առակից՝ արձանագրված Ղուկաս 15։8–10 համարներում։

• Ի՞նչ արդյունքներ բերեցին Լորային օգնելու միասնական ջանքերը։