Սեպտեմբերի ընթացքում մենք նպատակաուղղված ջանքեր կթափենք, որ «Վայելիր կյանքը հավիտյան» գրքույկով Աստվածաշնչի ուսումնասիրություն առաջարկենք բոլոր բնակիչներին։ Այդ ամիս քարոզիչները կարող են 30 ժամով ենթառահվիրա ծառայել։ Ինչպե՞ս է անցկացվելու այս հատուկ քարոզարշավը։

• Առաջին այցելության ժամանակ։ Օգտագործիր գրքույկի վերջում՝ շապիկի վրա տպված նյութը, որ հետաքրքրություն առաջացնես, և ցույց տուր, թե ինչպես է անցկացվում ուսումնասիրությունը։ Մի՛ մոռացիր նրանց, ովքեր նախկինում հետաքրքրություն են ցույց տվել, այդ թվում՝ վերայցելություններին։ Նույնիսկ եթե նրանք անցյալում հրաժարվել են ուսումնասիրությունից, գուցե հետաքրքրվեն ուսումնասիրության այս նոր մեթոդով և գրքույկով։ Կարիք չկա գրքույկները թողնել փակ դռների առջև կամ նամակների հետ ուղարկել նրանց, ովքեր նախկինում հետաքրքրություն չեն ցուցաբերել։ Ժողովի ծառայողական կոմիտեն գուցե որոշի այդ ամիս քարոզչական ծառայության հանդիպման օրերն ավելացնել։

• Այլ հնարավորություններ։ Եթե ձեր ժողովը գրականության ցուցատախտակներով ծառայություն է կազմակերպում, օգտագործեք «Վայելիր կյանքը հավիտյան» գրքույկը։ Գրքույկով հետաքրքրվող մարդկանց տեղեկացրու, որ իրենց նաև Աստվածաշնչի անվճար դասընթաց ենք առաջարկում։ Տեղում կարճ ցույց տուր, թե ինչպես է անցկացվում ուսումնասիրությունը, կամ պայմանավորվիր դա հետո անել։ Ծառայողական վերակացուն կարող է կազմակերպել, որ փորձառու քարոզիչները գնան գործարար տարածքներ և Աստվածաշնչի ուսումնասիրություն առաջարկեն։ Կարող ես նաև Աստվածաշնչի ուսումնասիրություն առաջարկել գործընկերներիդ և այն մարդկանց, ում ոչ պաշտոնական վկայություն կտաս։

Հիսուսը պատվիրել է, որ «աշակերտներ պատրաստենք»՝ «սովորեցնելով նրանց» (Մթ 28։19, 20)։ Թող հատուկ քարոզարշավն օգնի, որ իրագործենք այս նպատակը «Վայելիր կյանքը հավիտյան» գրքույկի միջոցով։