«Ովքե՞ր են կատարում Եհովայի կամքը այսօր» գրքույկը նախատեսված է ամեն ուսումնասիրության սկզբում կամ վերջում ուսումնասիրողի հետ քննարկելու համար։ * 1–4-րդ դասերը օգնում են ուսումնասիրողին հասկանալու, թե ովքեր են Եհովայի վկաները։ 5–14-րդ դասերը նրանց ծանոթացնում են մեր գործունեությանը։ Իսկ 15–28- րդ դասերը օգնում են ուսումնասիրողին հասկանալու, թե ինչպես է գործում մեր կազմակերպությունը։ Սովորաբար լավագույն տարբերակը դասերը հերթականությամբ քննարկելն է, բայց եթե ուսումնասիրողին այդ պահին հետաքրքրում է որևէ կոնկրետ թեմա, կարելի է հերթականությունը խախտել։ Յուրաքանչյուր դաս մեկ էջ է զբաղեցնում, և այն սովորաբար կարելի է քննարկել հինգից տասը րոպեում։

• Ուշադրություն հրավիրիր վերնագրի վրա, որը հարցի տեսքով է։

• Միասին կարդացեք դասը կա՛մ ամբողջությամբ, կա՛մ մաս առ մաս։

• Քննարկեք կարդացած նյութը։ Օգտվիր նկարներից և էջի ներքևում գտնվող հարցերից։ Անհրաժեշտության դեպքում կարդա և քննարկիր նշված համարները։ Ցույց տուր, թե ինչպես են ենթավերնագրերը պատասխանում վերնագրի հարցին։

• Եթե դասի մեջ կա «Իմացիր ավելին» շրջանակ, ապա այն միասին կարդացեք։ Քաջալերիր ուսումնասիրողին, որ հետևի շրջանակում տրված հորդորին։