Անչափ ուրախ ենք, որ Աստվածաշնչի ուսումնասիրություն անցկացնելու համար նոր գրքույկ և գիրք ունենք։ Աղոթում ենք, որ Եհովան օրհնի ավելի շատ աշակերտներ պատրաստելու մեր ջանքերը (Մթ 28։18–20; 1Կթ 3։6–9)։ Իսկ ինչպե՞ս օգտագործենք այս նոր գործիքները։

«Վայելիր կյանքը հավիտյան» Աստվածաշնչի ինտերակտիվ դասընթացը ուսուցանելու նոր մեթոդներ է ներառում, ուստի ուսումնասիրությանը պատրաստվելիս ու այն անցկացնելիս առաջնորդվիր հետևյալ հիմնական սկզբունքներով։ *

• Կարդացեք նյութը և քննարկեք հարցերը։

• Ընթերցեք այն համարները, որոնց կողքին գրված է՝ «կարդացեք» կամ «կարդա», ապա ուսումնասիրողին օգնիր հասկանալ, թե ինչպես կարող է կիրառել դրանք։

• Դիտեք տեսանյութերը ու դրանք քննարկեք՝ օգտագործելով նշված հարցերը։

• Ձգտիր յուրաքանչյուր ուսումնասիրության ժամանակ մեկ դասն ամբողջությամբ քննարկել։

Ծառայության ժամանակ նախ առաջարկիր գրքույկը, որ հասկանաս, թե որքանով է մարդը հետաքրքրված (տես « Ինչպես առաջին զրույցի ժամանակ առաջարկել «Վայելիր կյանքը հավիտյան» գրքույկը» շրջանակը)։ Եթե գրքույկը վերջացնելուց հետո մարդը ցանկանում է շարունակել դասընթացը, առաջարկիր գիրքը և քննարկումը սկսիր 4-րդ դասից։ Եթե ինչ-որ մեկի հետ ուսումնասիրություն ես անցկացնում «Սովորեցնում է մեզ» կամ «Ինչպես մնալ Աստծու սիրո մեջ» գրքով, ապա քննարկումները շարունակիր «Վայելիր կյանքը հավիտյան» գրքով։ Այս դեպքում որոշիր, թե որ դասից է հարկավոր սկսել։

ԴԻՏԻՐ «ԲԱՐԻ ԳԱԼՈՒՍՏ ԱՍՏՎԱԾԱՇՆՉԻ ՔՈ ՈՒՍՈՒՄՆԱՍԻՐՈՒԹՅՈՒՆ» ՏԵՍԱՆՅՈՒԹԸ ԵՎ ՊԱՏԱՍԽԱՆԻՐ ՀԵՏԵՎՅԱԼ ՀԱՐՑԵՐԻՆ

• Այս նոր գրքից ի՞նչ կսովորի ուսումնասիրողը։

• Այս տեսանյութը ինչո՞ւ արժե ցույց տալ նոր ուսումնասիրողին։

• Ուսումնասիրողին կարող ես հորդորել, որ ի՞նչ նպատակների ձգտի հասնել (տես « Ամեն մասի գլխավոր մտքերը և նպատակները» աղյուսակը)։