Մեր կայքի գլխավոր էջում տեղադրված հոդվածներն ու տեսանյութերը նախատեսված են անկեղծ սիրտ ունեցող մարդկանց մեջ հետաքրքրություն արթնացնելու համար (Գրծ 13։48)։ Այնտեղ հաճախ ներկայացվում են այնպիսի թեմաներ, որոնք շրջանառվում են նորություններում, կամ որոնց մասին մարդիկ մտածում կամ խոսում են։

Ինչպե՞ս կարող ես ծառայության մեջ օգտագործել jw.org կայքի գլխավոր էջը։

• Կանոնավոր ստուգիր կայքը։ Ուշադրություն դարձրու, թե ինչ նյութեր են տեղադրված «Առաջարկում ենք» մասում, և մտածիր, թե ինչպես կարող ես դրանք օգտագործել հետաքրքրություն ցույց տված մարդկանց օգնելու համար (տեսնելու համար, թե վերջերս ինչ նյութեր են եղել գլխավոր էջում, սեղմիր «Տեսնել ավելին» կոճակը)։ Եթե միշտ ծանոթ լինես կայքի նյութերին, կկարողանաս ծառայության ժամանակ նոր ու թարմ թեմաներից զրուցել։

• Զրույց սկսելու համար օգտագործիր գլխավոր էջում տեղադրված հոդվածներն ու տեսանյութերը։ Այս նյութերը կարող են օգնել մեզ այնպիսի թեմա ընտրել, որը կհետաքրքրի մեր տարածքում ապրող մարդկանց։

• Ցույց տուր գլխավոր էջը։ Ցույց տուր մի քանի հետաքրքիր նյութ և օգնիր մարդուն տեսնել, թե ինչպես կարող է կայքում տարբեր տեղեկություններ գտնել։

• Հղում ուղարկիր։ Շատ մարդիկ չեն ուզում մեզ հետ անձամբ զրուցել, բայց դեմ չեն լինի այցելել մեր կայք։ Ուստի մի՛ վարանիր հետաքրքրված անձանց ուղարկել գլխավոր էջի կամ «Առաջարկում ենք» մասում տեղադրված որևէ հոդվածի կամ տեսանյութի հղում։