Ծնողները կարող են օգնել իրենց երեխաներին ձեռք բերել այն իմաստությունը, որ բխում է Եհովայից։ Դա անելու լավագույն կերպերից մեկն այն է, որ օգնեն նրանց օգուտներ քաղել ժողովի հանդիպումներից։ Ժողովի հանդիպումների ժամանակ նրանց տեսածը, լսածը ու տված մեկնաբանությունները կարող են նպաստել, որ նրանք ավելին իմանան Եհովայի մասին ու դառնան նրա ընկերը (2Օր 31։12, 13)։ Եթե ծնող ես, ի՞նչ կարող ես անել, որ երեխադ առավելագույն օգուտները ստանա հանդիպումներից։

• Ամեն ջանք թափիր, որ ժողովի հանդիպմանը ֆիզիկապես ներկա լինեք (Սղ 22։22)։

• Ժողովի հանդիպումից առաջ կամ հետո բավականաչափ ժամանակ հատկացրու Թագավորության սրահում հավատակիցների հետ շփվելու համար (Եբ 10։25)։

• Հոգ տար, որ ձեր ընտանիքի յուրաքանչյուր անդամ ունենա ուսումնասիրվելիք հրատարակությունները՝ էլեկտրոնային կամ տպագիր։

• Օգնիր երեխայիդ, որ իր բառերով մեկնաբանություն պատրաստի (Մթ 21։15, 16)։

• Հանդիպումների և այնտեղ տրվող առաջնորդության վերաբերյալ դրականորեն արտահայտվիր։

• Երեխայիդ ներգրավիր, օրինակ, Թագավորության սրահի մաքրության գործում, ժողովի տարեց հավատակիցների հետ շփման մեջ։

Մեծ ջանքեր պետք է թափես, որ երեխաներդ մտերմանան Եհովայի հետ, ուստի երբեմն գուցե քեզ թվա՝ էլ ուժ չունես։ Սակայն կարող ես վստահ լինել, որ Եհովան քո կողքին է (Ես 40։29)։

ԴԻՏԻՐ «ԾՆՈՂՆԵ՛Ր, ԱՊԱՎԻՆԵՔ ԵՀՈՎԱՅԻՆ ԵՎ ՆՐԱ ԶՈՐՈՒԹՅԱՆԸ» ՏԵՍԱՆՅՈՒԹԸ ԵՎ ՊԱՏԱՍԽԱՆԻՐ ՀԵՏԵՎՅԱԼ ՀԱՐՑԵՐԻՆ

• Հոգնածությունը ինչպե՞ս էր ազդում Զաքի և Լիայի վրա։

  Քո պատասխանը

• Ծնողներն ինչո՞ւ պետք է ուժ ստանալու համար Եհովային դիմեն։

  Քո պատասխանը

• Զաքն ու Լիան ինչպե՞ս վստահեցին Եհովային։

  Քո պատասխանը