Կաղնու և թխկիի ծառեր են բեռնաթափվում։ Ուորվիքի տարածքում ավելի քան 1400 նոր ծառեր են տնկվում։

Ուորվիքում 384 աշխատողներ նշում են Տիրոջ ընթրիքը։ Ողջ աշխարհի Եհովայի վկաները ամեն տարի նշում են այդ միջոցառումը։

Արհեստավորները պատուհաններ են տեղադրում դարպասի մոտ գտնվող պահակատնակում։ Պահակները ողջունելու են այցելուներին, հսկելու են տարածքը և կանոնակարգելու են տարածք մտնող և այնտեղից հեռացող մեքենաների երթևեկությունը։

Հայր ու որդի գորգի սալիկներ են կպցնում երկրորդ հարկի միջանցքում։ Գորգի սալիկները շատ են օգտագործվում հասարակական վայրերում, քանի որ վնասվելու դեպքում դրանք ավելի հեշտ է փոխել, քան մեծ գորգերը։

Արհեստավորները գրասենյակում տեղադրում են հավաքովի-քանդովի միջնորմեր։ Դրանք հնարավորություն են տալիս անհրաժեշտության դեպքում ձևափոխելու գրասենյակը։

Ընդունարանի կողքը գտնվող հասարակական զուգարանում աշխատողը որոշ գործեր է անում զուգարանակոնքեր ու խցիկներ տեղադրելու համար։

Վթարային խումբը ուսումնավարժանքներ է անցկացնում։ Սովորելով կրակը արագ հանգցնել՝ նրանք կկարողանան պաշտպանել Ուորվիքի անձնակազմին և մասնաշենքերը, ինչպես նաև հնարավորինս քիչ կդիմեն տեղի հրշեջ ծառայությանը՝ այդպիսով թեթևացնելով նրանց գործը։

Նախքան գլխավոր ճաշարանում առաջին անգամ առավոտյան երկրպագության ծրագրի հեռարձակումը մատուցողը աշխատողներին օգնում է, որ նստելու տեղ գտնեն։

Աշխատողը լազերային հարթաչափի օգնությամբ տեղադրում է ավելի քան 2500 նշաններից մեկը՝ բնակիչներին և այցելուներին ուղղություն ցույց տալու համար։

Արհեստավորը եռակցում է ընդունարանից դահլիճ տանող գլխավոր աստիճանների բազրիքը։ Հրակայուն սավանը պաշտպանում է իրերը և այլ բաներ վնասվելուց։

Պատերի և առաստաղների բաժնի ծառայողը ավարտում է գիպսաստվարաթղթե միջնորմի հարթեցման աշխատանքները, որը ուղղորդում է դեպի «Կենդանի հավատ» ցուցասրահը (երեք ցուցասրահներից մեկը, որտեղ շրջայցն առանց էքսկուրսավարի է)։ Ցուցադրված նմուշների ճարտարապետական տարրերն ընդգծում են յուրաքանչյուր ցուցահանդեսի թեման։

Աշխատողները բետոնե հատակը պատրաստում են գրունտավորման համար։ Դրա շնորհիվ հատակը ավելի ամուր կլինի, չի փոշոտվի, հատակի վրա չեն մնա անվադողերի հետքերը, և այն հեշտ կլինի մաքրել։

Աշխատողների մի խումբ ապակեթելքավոր ծածկ է տեղադրում ընդունարանի մուտքի վերևում։ Կիսաթափանցիկ ապակեթելքավոր սալիկները մեղմում են լույսի թափանցումը գլխավոր մուտք։

Ամուսինները գրանիտե սալիկներ են տեղադրում «Աստվածաշունչը և Աստծու անունը» ցուցասրահի մուտքի մոտ։

Աշխատողը գլխավոր դահլիճում տեղադրում է 1018 նստարաններից մեկը։ Այդ դահլիճում Բեթելի ընտանիքի համար կանցկացվեն «Դիտարանի» ուսումնասիրությունն ու հոգևոր այլ ծրագրեր։

Գլխավոր ընդունարանում արհեստավորները, էլեկտրիկներն ու այլ աշխատողներ տեղադրում են այցելուներին ուղղված ողջույնի խոսքերով լուսարձակող վահանակ։

Շինարարությանը աջակցող խմբի երկու անդամ աշխատողների համար ջուր են բերում ընդունարան։ Հատկապես շոգ եղանակին շինարարներին անընդհատ հիշեցում է տրվում, որ շատ ջուր խմեն։

Արհեստավորը «Աստվածաշունչը և Աստծու անունը» ցուցասրահում ցուցասեղաններ է տեղադրում, որոնց վրա կցուցադրվեն Աստվածաշնչի հազվագյուտ նմուշներ։ Այդ նմուշները պարբերաբար կփոխարինվեն Աստվածաշնչի այլ նմուշներով և արտեֆակտերով։

Պրոյեկտորը արտապատկերել է աշխարհի քարտեզը գլխավոր ընդունարանի պատի վրա։ Աշխատողը Ավստրալիայի և Հարավարևելյան Ասիայի կղզիները ամրացնում է համապատասխան տեղերում։ «Եհովայի վկաներ» անվանումը պատի վրա կարելի է տեսնել գրեթե 700 լեզուներով։

Բեթելի ընտանիքի անդամները ներկա են մի հանդիպման, որի ընթացքում ողջույնի խոսքեր են ուղղվում նրանց, նրանք ծանոթանում են Ուորվիքի տարածքին և զգուշացումներ են ստանում այն վտանգների մասին, որոնք դեռևս կան այնտեղ։

Մոնտաժողները JW Հեռարձակման հաղորդավարի սեղանի վրա օղակաձև հարմարանք են կախում, որը կլուսավորի տաղավարը։ Տաղավարի հիմնական մասերը Բրուքլինից են տեղափոխվել այստեղ։

Էլեկտրիկը գլխավոր մուտքի մոտ LED լույսով աշխատող նոր նշան է տեղադրում։ Սեպտեմբերի 1-ին գլխավոր վարչության բաժիններից շատերը արդեն գործում էին Ուորվիքում։