Խոնավ հողատարածքների համար նախատեսված կամրջի հիմնակմախքը տեղափոխում են դրա համար հատկացված տեղը։ Երբ հիմնակմախքը իջեցրին բեռնատար մեքենայից, դրեցին անիվների վրա՝ հարվածը մեղմելու համար։ Կամուրջը պաշտպանում է խոնավ հողատարածքները, որ մարդը չվնասի դրանք։

Տանիքը ծածկված է թանթռնիկ կոչվող հյութալի (սուկկուլենտ) բույսերով, որոնք նախքան ձմռան գալը փոխում են իրենց գույնը։ Տանիքի վրա տնկված են թանթռնիկի 16 տեսակներ։ Կանաչապատ տանիքները պաշտպանում են շրջակա միջավայրը, որ հեղեղների ժամանակ ջրի հոսքը քիչ լինի, նաև նվազեցնում են էլեկտրաէներգիայի ծախսերը։ Բուսականությունը խնամելու համար միայն անհրաժեշտ է այն մաքրել մոլախոտից։

Կահույքագործը ճիպոտ է տեղադրում բնակելի սենյակի խոհանոցում։ Ատաղձագործության բաժինը մինչև 2016թ. փետրվարի վերջը տեղադրել է խոհանոցի պահարանների ավելի քան 60 տոկոսը։

Էլեկտրիկները տեղադրում են լուսադիոդներ (LED), որպեսզի լուսավորեն գլխավոր բակի աշտարակի վրա ամրացված Դիտարանի լոգոն։

Գրասենյակները/Սպասարկման բաժինները, աշտարակն ու սպասասրահը՝ լուսավորված։ Աշտարակից այցելուները կարող են զմայլվել Ուորվիքի հրաշալի տեսարանով։

Շինարարները, գրունտ և բետոն անելով, ճանապարհ են կառուցում փրկարարական մեքենաների համար։ Շինարարության ընթացքում ժամանակավորապես դրված ջութից պաստառը հողը պաշտպանում է էրոզիայից։

Աշխատողները սպասասրահի վերևի մասում տեղադրում են տանիքի ապակեպատ լուսամուտներ։ Գրասենյակների/սպասարկման բաժինների տասնմեկ ապակեպատ լուսամուտները հնարավորություն են տալիս, որ բնական լույսը ներս թափանցի։

Խողովակահատիչ (թթվածնաացետիլենային) սարքի միջոցով զոդողը կտրում է ածխածնային պողպատից խողովակը՝ սառը ջրի համակարգ տեղադրելու համար։

Մասնագետը տեղադրում է պատուհանի հիմքը։ Այն հավասարեցնելուց և գիպսաստվարաթղթե պատը ամրացնելուց հետո կտեղադրվի պատուհանագոգը։

Անձրևոտ եղանակին տեղադրվում են հղկված սալաքարեր։ Նկարի աջ կողմում երևում է, որ սպիտակ հավասարեցնող չորսուով շինարարները հարթեցնում են երկու շերտ ագրեգատը։ Հետին պլանում էքսկավատորը հիդրավլիկ մամլիչով իջեցնում է սալաքարերը։ Ձախ կողմում երևում է, որ շինարարները հողը ծածկել են անջրանցիկ բրեզենտով՝ այն էրոզիայից պաշտպանելու համար։

Աշխատողները միջին լարման մալուխը քաշում են դեպի էլեկտրական ենթակայան, որը Ուորվիքի համալիրը ապահովում է հոսանքով։

Աշխատողը ավարտուն տեսքի է բերում փակ անցման հիմնակմախքը։ Այդ անցումը իրար է միացնելու ավտոկայանատեղին և գրասենյակների ու սպասարկման բաժինների շենքերը։ Այն կպաշտպանի այցելուներին անձրևից և ձյունից։

Մասնագետը վերահսկման վահանակի միջոցով կարգավորում է շոգեկաթսայի աշխատանքը։ Ուորվիքի համալիրում բոլոր չորս շոգեկաթսաները այժմ արդեն տեղադրված են։

Մեխանիկները լվացքատանը չորանոցներ են տեղադրում։ Այդ չորանոցների տարողությունը 6–45 կիլոգրամ է։ Լվացքի մեքենաները կտեղադրվեն ձախ մասում։

Կառավարիչ մարմնի անդամ Գերիտ Լյոշը «Դիտարանի» ուսումնասիրություն է անցկացնում։ Հանդիպումը հեռարձակվում է նաև այն վայրերում, որտեղ բնակվում են Ուորվիքի աշխատողները։

Ինտերիերի բաժնի աշխատողները կավրոլին են տանում բնակելի շենքերից մեկը։ Ուորվիքի համալիրի համար ավելի քան 65000 քառակուսի մետր կավրոլին է պատվիրվել։

2015թ. սեպտեմբերից մինչև 2016թ. փետրվարը Բնակելի C և D շենքերի համար շահագործման թույլտվություն տրվեց, ինչը հնարավորություն տվեց շինարարներին բնակվելու այնտեղ։ Տեղադրվեցին բոլոր շենքերի վերելակները։ Կառուցվեցին բնակելի շենքեր տանող ճանապարհները, այդ թվում մայթերը։ Քանի որ ձմեռը մեղմ էր, լանդշաֆտային դիզայներները իրենց աշխատանքները նախատեսված ժամանակից շուտ ավարտեցին։

Կախովի առաստաղներ տեղադրողներից մեկը քայլում է ոտնացուպերի վրա՝ առաստաղ տեղադրելու համար։ Պատերի/առաստաղների բաժնի աշխատողները գիպսաստվարաթղթե պատերի համար պրոֆիլներ են տեղադրում, պատերը մեկուսացնում են, սվաղում, ինչպես նաև դրանց անցքերը փակում են հրակայուն նյութերով։