Մարդու իրավունքների եվրոպական դատարանի՝ «Տագանրոգի ՏԿԿ-ն և այլք ընդդեմ Ռուսաստանի» գործով կայացրած վճռի ամփոփ նկարագիրը։ Այս վճիռը հաստատեց, որ Ռուսաստանի կողմից Եհովայի վկաների գործունեության վրա արգելք դնելը անօրինական է եղել։ Բացի այդ՝ այն հերքեց Եհովայի վկաների մասին Ռուսաստանի իշխանությունների տարածած ապատեղեկատվությունը և եզրահանգեց, որ Եհովայի վկաների հավատալիքներն ու գործունեությունը, որոնք առնչվում են տարբեր հարցերի, այդ թվում՝ հասարակության հետ նրանց հարաբերություններին, կրոնական հրատարակությունների բովանդակությանը, կրոնական գործերին նրանց տրամադրած ժամանակին, առողջությանն առնչվող նրանց որոշումներին, որպես ծնող իրենց երեխաներին տված կրոնական կրթությանը, երեխաների հասարակական ներգրավվածության հետ կապված նրանց որոշումներին, ընտանիքի ոչ Վկա անդամների հետ շփմանը և նրանց քարոզչական գործունեությանը, լիովին օրինական են և պաշտպանված են Եվրոպական կոնվենցիայի կրոնի, արտահայտվելու և միավորման ազատության իրավունքների մասին հոդվածներով։