2018 թ. հոկտեմբերի 6–18-ը Բուենոս Այրեսում (Արգենտինա) անցկացված ամառային պատանեկան օլիմպիական խաղերի ընթացքում մեր եղբայրները հատուկ քարոզարշավ կազմակերպեցին հրապարակային վկայություն տալու նպատակով։

206 երկրներից ավելի քան 4 000 մարզիկներ մասնակցեցին այս տարվա ամառային պատանեկան օլիմպիական խաղերին, որը համարվում է աշխարհում 15–18 տարեկան պատանիների համար նախատեսված բազմասպորտային ամենամեծ իրադարձությունը։ Որպեսզի միջազգային շատ մարզիկներ և այդ քաղաք այցելած մարդիկ կարողանային լսել աստվածաշնչյան լուրը, 6 400-ից ավելի Եհովայի վկաներ մասնակցեցին քարոզարշավին։ Մեր եղբայրները գրեթե 100 վայրերում գրականության 390 շարժական ցուցատախտակ դրեցին։

Քանի որ միջոցառումը պատանիների համար էր, եղբայրները ցուցադրեցին «Երիտասարդների հարցերը. գործնական խորհուրդներ» գրքի հատորները և «Երիտասարդներին հետաքրքրող 10 հարցերի պատասխանները» գրքույկը։ Գրականությունը առկա էր մի քանի լեզուներով, այդ թվում՝ անգլերենով, արաբերենով, արգենտինյան ժեստերի լեզվով, գերմաներենով, իսպաներենով, կորեերենով, չինարենով, պորտուգալերենով, ռուսերենով և ֆրանսերենով։ Քարոզարշավի ընթացքում ամեն օր տարածվեց միջին հաշվով 790 հրատարակություն։

Քարոզարշավին մասնակցած եղբայրներն ու քույրերը ուրախ էին պատմելու Աստվածաշնչի վրա հիմնված իրենց հույսի մասին թե՛ երիտասարդներին և թե՛ մեծահասակներին (Սաղմոս 110։3)։