Մարտի 10-ին՝ կիրակի, Եթովպիայի մայրաքաղաք Ադիս Աբեբայից թռչող «Եթովպական ավիաուղիներին» պատկանող թիվ 302 չվերթի ինքնաթիռը թռիչքի մեկնարկից կարճ ժամանակ անց վթարի ենթարկվեց։ Ինքնաթիռում գտնվող բոլոր 157 մարդիկ զոհվեցին։

Ցավոք, ինքնաթիռի կործանման հետևանքով զոհվածների թվում էր մեր քույրերից մեկը՝ Ռոզմարի Մումբին։ Քույր Մումբին 66 տարեկան էր և ռահվիրա էր ծառայում «Ռոմա Մանցոնի» անգլիական ժողովում (Հռոմ, Իտալիա)։

Մենք խոր ցավ ենք ապրում՝ լսելով այս ողբերգական կորստի մասին։ Անհամբերությամբ սպասում ենք հարությանը, երբ կդիմավորենք Եհովայի հավատարիմ ծառաներին, այդ թվում՝ քույր Մումբիին (Հայտնություն 20:13)։