ՍԵՊՏԵՄԲԵՐԻ 7, 2020
ԹՈՒՐՔՄԵՆՍՏԱՆ
Թուրքմենստանում Միրատ Օրազգելդիևին բանտարկել են զինծառայությունից հրաժարվելու համար
Դատավճռի հրապարակում
2020 թ. սեպտեմբերի 3-ին Մարիի մարզի Վելիկբազար քաղաքի շրջանային դատարանը համոզմունքի հիմնավորմամբ զինծառայությունից հրաժարվելու համար եղբայր Միրատ Օրազգելդիևին դատապարտեց մեկ տարվա ազատազրկման։ Նա կբողոքարկի այդ որոշումը։
Տվյալներ
Միրատ Օրազգելդիև
Ծնվել է՝ 2002 թ. (Մարի քաղաք)
Կենսագրություն: Ընտանիքին օգնելու նպատակով աշխատել է որպես մատուցող։ Եհովա Աստծու մասին նրան սովորեցրել է մայրը։ Սիրում է սպորտով զբաղվել և երգեր գրել։
Դատական գործի պատմություն
2020 թ. հունիսին՝ եղբայր Օրազգելդիևի 18 տարին լրանալուց մեկ ամիս հետո, նրան կանչեցին զինկոմիսարիատ։ Եղբայր Օրազգելդիևը բացատրեց, թե ինչու է հրաժարվում զինվորական ծառայությունից, և առաջարկեց փոխարենը կատարել այլընտրանքային քաղաքացիական ծառայություն։
2020 թ. հուլիսի 1-ին երեք զինվորականներ եկան եղբայր Օրազգելդիևի տուն, որ նրան իրենց հետ տանեն, սակայն նա հրաժարվեց գնալ։ Նույն օրը՝ ավելի ուշ, եղբայրը բուժզննում անցավ, և բժիշկն ասաց, որ նա պիտանի է զինվորական ծառայություն կատարելու համար։
2020 թ. հուլիսի 14-ին դատախազությունը եղբայր Օրազգելդիևին կանչեց հարցաքննության։ Հաջորդ ամիս նրա դեմ մեղադրանք առաջադրվեց, և նշանակվեց դատական նիստի օրը։
Մենք աղոթում ենք, որ Եհովան եղբայր Օրազգելդիևին, ինչպես նաև ազատազրկված մյուս տասը եղբայրներին շարունակի ուժ և համարձակություն տալ (Սաղմոս 31։24)։