2022 թ. մայիսի 1-ին՝ կիրակի, Կառավարիչ մարմնի անդամ եղբայր Մարկ Սանդերսոնը և մասնաճյուղի կոմիտեի երեք անդամներ այցելեցին Ուկրաինայից Լեհաստան տեղափոխված փախստականներին։ Այդ ընթացքում եղբայր Սանդերսոնը և նրան ուղեկցող եղբայրները լսեցին փախստականներին և հավաստիացրին, որ Կառավարիչ մարմինը սիրում և աջակցում է իրենց։

Տարբեր վայրերում, այդ թվում՝ 4 համաժողովների և մի քանի Թագավորության սրահներում ապաստանած փախստականներին այցելելու համար նրանք 6 օրում անցել են ավելի քան 2 500 կիլոմետր (1 550 մղոն)։ Եղբայրները Ուկրաինայի և Լեհաստանի սահմանին նաև հանդիպել են կամավորներին։

Մի ուկրաինացի եղբայր ասաց. «Այդ այցելությունը չափազանց քաջալերական էր և թարմացնող, ասես շոգ օրը սառը ջուր խմելիս լինեիք»։

Իսկ մի ուկրաինացի քույր ասաց. «Այս այցելությունը մեծ անակնկալ էր։ Տեսնում ենք, թե Եհովան ինչպես է հոգում մեր մասին»։

Մեկ ուրիշ ուկրաինացի քույր նշում է. «Երբ հասանք Լեհաստան, շնորհակալություն հայտնեցինք Եհովային, քանի որ նա մեզ տվեց անհրաժեշտ ամեն ինչ»։

Եղբայրները նաև հանդիպեցին փախստականներին աջակցող կամավորների հետ։ Եղբայր Սանդերսոնը ասաց, որ Եհովան սիրում է նրանց, հիշեցրեց Եբրայեցիներ 6։10-ում արձանագրված խոսքերը և նշեց, որ «Եհովան չի մոռանա իրենց աշխատանքը»։ Նաև ավելացրեց. «Մենք էլ չենք մոռանա»։ Կամավորներն էլ իրենց հերթին ասացին, որ շնորհակալ են Եհովային, որ հնարավորություն է տվել օգնելու հավատակիցներին։

Լեհաստանի մասնաճյուղի կոմիտեի անդամ եղբայր Վեսա Վանանեն ասաց. «Մեր հավատը շատ զորացավ, քանի որ անձամբ զգացինք, թե ինչպես է Եհովան ամեն ինչ իր վերահսկողության տակ առել։ Նա Կառավարիչ մարմնի և պատրաստակամ եղբայրների միջոցով ճիշտ ժամանակին տալիս է այն ամենը, ինչ անհրաժեշտ է»։

Մեր եղբայրներն ու քույրերը, անկախ իրենց հանգամանքներից, շարունակում են միմյանց հանդեպ հոգատարություն դրսևորել և վայելել ուրախությունը, որ գալիս է առատաձեռն լինելուց (Գործեր 20։35)։