Օրերը՝ օգոստոսի 9–11, 2019

Վայրը՝ «Լեգիա» (Վարշավա) քաղաքային մարզադաշտ և «Թորվար» սրահ (Վարշավա, Լեհաստան)

Լեզուները՝ անգլերեն, լեհերեն

Ներկաների բարձրագույն թիվը՝ 32 069

Մկրտվածների թիվը՝ 190

Միջազգային պատվիրակների թիվը՝ 6 892

Հրավիրված մասնաճյուղերը՝ Էկվադոր, Կենտրոնական Եվրոպա, Կորեա, Հունգարիա, Ճապոնիա, Միացյալ Նահանգներ, Մոլդովա, Չիլի, Ռումինիա, Վրաստան, Ուկրաինա, Ֆինլանդիա և Ֆրանսիա

Հետաքրքիր դեպք. պրն Կամիլ Կազմիերկևիչը, որը պատվիրակներին հյուրընկալած հյուրանոցներից մեկի՝ «Ֆոր Փոինթս Բայ Շերատոն Վարշավա Մոկոտուվ» հյուրանոցի գլխավոր մենեջերն է, գրեց. «Ձեզ հետ շատ հեշտ է համագործակցել։ Կցանկանայի այդքան բարի և դրական տրամադրվածություն ունեցող ավելի շատ հյուրեր ունենալ։ [Համաժողովի] մասնակիցների միջև ամուր կապն ու միասնությունը ակնհայտ է.... Գլխարկս հանում եմ [ձեր առաջ] այս միջոցառումը կատարյալ ձևով կազմակերպելու համար»։

Իսկ պրն Կամիլ Լուբանսկին, որը «Քեյ-Էլ թիմ» ընկերության սեփականատերն է (այդ ընկերության հետ պայմանագիր էր կնքվել, որպեսզի այն ուղևորափոխադրումներ կազմակերպեր), պատմում է. «Եհովայի վկաների հետ համագործակցության հենց սկզբից հասկացա, որ մեզ հաջողվելու է լավ համագործակցել հաճելի մթնոլորտում։ Նրանք շատ կազմակերպված են և պրոֆեսիոնալ։ Այս մեծ միջոցառումը լավ պլանավորված էր, և ամեն ինչ նախապատրաստված էր։ Մեր ընկերությունը պատիվ է ունեցել սպասարկելու բազմաթիվ հեղինակավոր և պետական միջոցառումներ, որոնք կազմակերպվել են ազգային և եվրոպական մակարդակով։ Սակայն հազվադեպ ենք հանդիպում այսքան լավ պատրաստված ու կազմակերպված հաճախորդի։ Մի խոսքով՝ մեր վարորդները և այլ աշխատողներ միայն դրականորեն են արտահայտվում Եհովայի վկաների հետ համագործակցության մասին։ Հույս ունենք, որ ապագայում նորից հնարավորություն կունենանք միասին աշխատելու»։