ՄԱՅԻՍԻ 30, 2023
ԿՈԼՈՒՄԲԻԱ
Կոլումբիայի վայունայկի լեզվի թարգմանչական գրասենյակը տեղափոխվել է
2023 թ. մարտի 18-ին Կոլումբիայի Ռիոաչա քաղաքում տեղի ունեցավ վայունայկի լեզվի թարգմանչական նոր գրասենյակի նվիրումը։ Վայունայկի լեզվով խոսում է շուրջ 700 000 մարդ։ Այն բնիկների ամենատարածված լեզուն է Կոլումբիայում և Վենեսուելայում։
Նախկինում թարգմանչական գրասենյակը գտնվում էր երկու վարձակալված տներում, որտեղ տարածքը սահմանափակ էր, հաճախ էլեկտրականություն չէր լինում, և լավ չէին աշխատում հեռախոսային ու ինտերնետային ծառայությունները։ Կոլումբիայի մասնաճյուղը բնակելի թաղամասում նոր շինությունների համար գնեց և վերանորոգեց վեց բնակարաններից բաղկացած համալիր։ Թարգմանչական խմբի անդամները այսուհետ ապրում և ծառայում են այդ շինություններում։ Նախագիծը հավանություն ստացավ 2022 թ. հոկտեմբերին և ավարտվեց 2023 թ. հունվարին։
Նախագծման/շինարարության տեղի բաժնի անդամներից մեկը՝ եղբայր Խուան Ֆելիպե Ռոդրիգեսը, բացատրում է, թե ինչ առավելություններ ունի նոր վայրը. «Այս նոր շինությունները հագեցած են ձայնագրման ժամանակակից ստուդիայով և համատեղ աշխատանքի համար նախատեսված տարածքներով։ Ինտերնետ կապն ավելի լավն է, իսկ էներգիայի հաճախակի անջատումների համար գեներատորներ կան»։
Վայունայկի լեզվով աստվածաշնչյան հրատարակությունների թարգմանությունը սկսվել է 1998 թ.-ին։ Այժմ 14 եղբայրներ ու քույրեր աջակցում են թարգմանչական գործին։ Վայունայկի լեզվով 20 ժողովներում ծառայում են շուրջ 400 քարոզիչներ։
Մեծ ուրախություն է տեսնել, թե ինչպես է Եհովայի կազմակերպությունը շարունակում օգնել բոլոր լեզվական խմբերին «մոտենալ Աստծուն» (Հակոբոս 4։8)։