2022 թ. դեկտեմբերի 28-ին Ռամապոյի քաղաքային խորհուրդը Ռամապոյի շինարարական նախագծի համար հատուկ թույլտվություն շնորհեց։ a Այս հատուկ թույլտվությունը հնարավորություն է տալիս հողատարածքի վրա կառուցել մեզ անհրաժեշտ շինությունները՝ ստուդիաներ, գրասենյակներ և բնակելի շենքեր։ Բացի այդ՝ կարող ենք տարածքը մաքրել ծառերից, նախքան քաղաքաշինության խորհուրդը կհաստատի նախագծի հաջորդ փուլը, ինչը տեղի կունենա ավելի ուշ այս տարի։ Այս հատուկ թույլտվությունը կօգնի խուսափել նախագծի իրականացման երկարատև հետաձգումից։

Եղբայր Դեյվիդ Սոտոն, ով ծառայում է շինարարական նախագծի կոմիտեում, նշում է. «Մենք շատ ուրախ ենք այս թույլտվությունը ստանալու կապակցությամբ։ Չնայած նախքան նախագծի շինարարական փուլին անցնելը մի քանի հավելյալ քայլեր են պահանջվում, սակայն համոզված ենք, որ Եհովան կշարունակի օրհնել մեր ջանքերը»։

1. Հոկտեմբերի 5, 2019

   Կառավարիչ մարմինը հայտարարեց, որ ծրագրվում է Նյու Յորքի Ռամապո քաղաքում նոր համալիր կառուցել, որտեղ կկենտրոնացվի ողջ մեդիա արտադրությունը։

2. Հունիսի 26, 2020

   Նախագիծը պաշտոնապես ներկայացվեց Ռամապոյի քաղաքային խորհրդին։

3. Հուլիսի 8, 2020

   Կայացավ Ռամապոյի քաղաքային խորհրդի հետ՝ նախագծի վերաբերյալ առաջին հանդիպումը։

4. Մարտի 31, 2021

   Ներկայացվեց նախագծի՝ շրջակա միջավայրի վրա ազդեցության գնահատման նախնական հայտը։

5. Մարտի 8, 2022

   Թաքսիդոյի քաղաքաշինության խորհուրդը թույլտվություն շնորհեց՝ հնարավորություն ընձեռելով ընդլայնել և վերակառուցել Ռամապոյի համալիր տանող մուտքի ճանապարհը։

6. Մարտի 12, 2022

   Ընդունվեց նախագծի՝ շրջակա միջավայրի վրա ազդեցության գնահատման վերջնական հայտը։

7. Նոյեմբերի 9, 2022

   Ռամապոյի քաղաքային խորհուրդը հաստատեց գոտիավորման նոր նախագիծը՝ հնարավորություն ընձեռելով տարածքն օգտագործել թե՛ գրասենյակների, թե՛ բնակելի շենքերի համար։

8. Դեկտեմբերի 28, 2022

   Ռամապոյի քաղաքային խորհուրդը հատուկ թույլտվություն շնորհեց՝ հնարավորություն տալով կառուցել մեզ անհրաժեշտ շինությունները և տարածքը մաքրել ծառերից։

9. Ընթացիկ փուլ

   Նախագծի ամբողջական հաստատում։