2024 թ. օգոստոսի 29-ին «Շանշան» թայֆունը հարվածեց Ճապոնիայի Կագոսիմա պերֆեկտուրային։ Դրա առաջացրած քամիների ուժգնությունը հասավ 160 կմ/ժ-ի (99 մղոն/ժամ)։ Կանտո, Կյուսյու և Տոկայ տարածաշրջանների որոշ մասերում տեղումների ռեկորդային քանակ գրանցվեց՝ ավելի քան 40 սմ (16 դյույմ) ընդամենը 48 ժամում։ Այս տեղատարափ անձրևների պատճառով առաջացան սողանքներ և ջրհեղեղներ՝ վնասելով ճանապարհներն ու շինությունները։ Ավելի քան 120 մարդ վնասվածքներ ստացավ, 8 հոգի էլ զոհվեց։

• Մեր եղբայրներից ու քույրերից ոչ ոք չի զոհվել։

• 3 քարոզիչ վնասվածքներ է ստացել։

• 245 տուն թեթևակի վնասվել է։

• 8 Թագավորության սրահ թեթևակի վնասվել է։

• Թայֆունից տուժած տարածքներում մի քանի տարածաշրջանային համաժողովներ հետաձգվել են. նշանակվել են նոր ամսաթվեր։

• Շրջանային վերակացուները և տեղի երեցները հոգևորապես քաջալերում և հումանիտար օգնություն են տրամադրում տուժածներին։

Ինչ խոսք, նման բնական աղետները մեծ ցավ ու վիշտ են պատճառում, սակայն մենք զորանում ենք Եհովա Աստծու՝ մեզ «օգնողի ու մխիթարողի» ցուցաբերած աջակցությամբ (Սաղմոս 86։17)։