2023 թ. մայիսի 27-ին Անտանանարիվուի (Մադագասկար) Թագավորության սրահներից մեկում տեղի ունեցավ աստվածաշնչյան նոր կրթական կենտրոնի նվիրումը։ Կառավարիչ մարմնի անդամ եղբայր Քենեթ Կուկը ներկայացրեց նվիրման ելույթը, որի վերնագիրն էր «Եհովային փառք բերող շինություն»։ Հաջորդ օրը համաժողովների սրահում տեղի ունեցավ հատուկ հանդիպում, որի հեռարձակումը դիտեց ավելի քան 45 000 մարդ։

1999 թ. դեկտեմբերից ի վեր՝ աստվածապետական դպրոցները անցկացվում էին Մադագասկարի մասնաճյուղում։ Սակայն ժամանակի ընթացքում այդ տարածքը արդեն փոքր էր, որ հյուրընկալեր այն բազմաթիվ եղբայրներին ու քույրերին, ովքեր ցանկանում էին լրացուցիչ կրթություն ստանալ։ 2020 թ. հուլիսին 1 348 քառակուսի մետր (14 510 քառակուսի ֆուտ) տարածք ձեռք բերվեց, որը մասնաճյուղին շատ մոտ է գտնվում։ Դրանից կարճ ժամանակ անց սկսվեց շինարարությունը: Չնայած COVID-19 համավարակի հետ կապված սահմանափակումներին՝ նախագիծն ավարտվեց ընդամենը երկու տարում: Համալիրն ունի երկու շինություն՝ աստվածապետական դպրոցների շենքը և ուսանողների ու դասավանդողների համար նախատեսված բնակելի շենքը։ Թագավորության քարոզիչների դպրոցը ու շրջանային վերակացուների և նրանց կանանց համար դպրոցը կանցկացվեն այս համալիրում։

Աստվածապետական այս դպրոցների շնորհիվ ավելի շատ եղբայրներ և քույրեր կհմտանան «հոգևոր հարցերը հոգևոր խոսքերով» բացատրելու հարցում (1 Կորնթացիներ 2։13)։