2023 թ. օգոստոսի 8-ին ծովափնյա ուժեղ քամիները կործանարար անտառային հրդեհների պատճառ դարձան Մաուիում՝ Հավայան կղզիների մեծությամբ երկրորդ կղզում (ԱՄՆ)։ Հրդեհները ոչնչացրել են հաղորդակցության համակարգեր, տներ և բիզնեսներ։ Մի քանի շրջաններում տեղի իշխանությունները պարտադիր տարհանման հրաման են տվել։ Մահացել է առնվազն 97 մարդ։ Հրշեջները պայքարում են նաև Հավայան կղզիների Բիգ Այլենդ կղզում տարածվող ավելի փոքր անտառային հրդեհների դեմ։

Հետևյալ տեղեկությունները հիմնված են տեղի եղբայրների նախնական զեկույցների վրա։

• Ցավոք, անտառային հրդեհների պատճառով մի տարեց եղբայր մահացել է։

• 307 եղբայրներ ու քույրեր տարհանվել են։

• 42 տուն ավերվել է։

• 2 տուն լրջորեն վնասվել է

• 38 տուն թեթևակի է վնասվել։

• 1 Թագավորության սրահ թեթևակի վնասվել է։

• Շրջանային վերակացուներն ու տեղի երեցները հոգևորապես քաջալերում են և գործնական օգնություն տրամադրում տուժածներին։

• Աղետից տուժածներին օգնելու 1 կոմիտե է կազմավորվել՝ հումանիտար աշխատանքները կոորդինացնելու նպատակով։

Անհամբերությամբ սպասում ենք այն ժամանակներին, երբ Աստծու Թագավորությունը վերջ կդնի եղանակային անոմալիաներին, որոնց պատճառով այս վերջին օրերում տուժում են այդքան շատ մարդիկ, այդ թվում՝ մեր եղբայրներն ու քույրերը (Մարկոս 4։39)։