ՆՅՈՒ ՅՈՐՔ։ Հոկտեմբերի 31-ին Եհովայի վկաները ավարտին հասցրին Բրուքլին Հայթս պատմական թաղամասի Քլարկ սթրիթ, 21 հասցեում գտնվող 16 հարկանի իրենց բնակելի շենքի վաճառքի գործարքը։ Ավելի քան չորս տասնամյակ այն պատկանել է Վկաներին, և նրանք պահպանել են այդ նախկին հյուրանոցի ռոմանական ոճը։

Շենքի բացումը եղել է 1928թ.-ին, և այն կոչվել է «Լեվերիչ Թաուերս Հոթել»։ Կարճ ժամանակ անց այն սկսեց կոչվել «Թաուերս Հոթել» և գովազդվել որպես «Բրուքլինի հյուրանոցների մեջ արիստոկրատը»։ Այնտեղ իջևանում էին բարձր խավի մարդիկ։ Սակայն 1970-ականներին այն բարձիթողի վիճակում հայտնվեց։

Վկաները գնեցին այդ շենքը 1975թ.-ին։ Դրանից առաջ նրանք իրենց գլխավոր վարչության՝ գնալով աճող անձնակազմին բնակեցնելու համար այնտեղ մի քանի հարկ էին վարձել։ Այդ շինությունը Վկաների օրոք երկու անգամ վերանորոգվել է. առաջին անգամ՝ 1978թ.-ին, իսկ երկրորդ անգամ՝ 1998թ.-ին։

Եհովայի վկաների խոսնակ Դեյվիդ Սիմոնյանը նշում է. «Նրանք, ովքեր ապրել են Բրուքլին Հայթսում, կհիշեն «Թաուերսը» ոչ միայն որպես աչքի ընկնող շենք, այլև որպես գեղեցիկ և հարմարավետ տուն։ Այս վերջին գործարքով մենք ավարտում ենք Բրուքլինում մեր պատմության ևս մեկ գլուխ»։

2016թ.-ին Եհովայի վկաների գլխավոր վարչությունը տեղափոխվեց Ուորվիք (Նյու Յորք)։

Մեդիա կոնտակտ:

Դեյվիդ Սիմոնյան, հասարակայնության հետ կապերի գրասենյակ, +1-845-524-3000