ՈԼՈՄԲՈ, Շրի Լանկա։ Արանայակայի մերձակայքում՝ Շրի Լանկայի մայրաքաղաք Կոլոմբոյից մոտ 100 կիլոմետր (62 մղոն) հեռու, զանգվածային սողանքներ են առաջացել գյուղերում, ինչի հետևանքով ավելի քան 100 մարդ զոհվել է, և մոտ 350000 մարդ՝ տուժել։ Այս դժբախտությանը նախորդել են այդ տարածաշրջանում 2016թ. մայիսի 15-ին տեղացած հորդառատ անձրևները։ Կիլինոչչի քաղաքում մեկ օրում 373 միլիմետր (մոտ 15 դյույմ) տեղումներ են գրանցվել։ Իշխանությունների կարծիքով՝ սա 2004թ.-ին եղած ցունամիից հետո Շրի Լանկային հարվածած ամենակործանարար բնական աղետն է։

ԿԸստ Շրի Լանկայում Եհովայի վկաների մասնաճյուղի տրամադրած տեղեկության՝ աղետի հետևանքով Վկաներից ոչ ոք չի զոհվել, սակայն մոտ 200 Վկա ստիպված է եղել լքել իր բնակավայրը։ Կոլոմբո քաղաքից մոտ 15 կիլոմետր (9 մղոն) հեռավորության վրա գտնվող Կադուվելա քաղաքի Թագավորության սրահը՝ երկրպագության վայրը, անցել էր երկու մետր (6 ֆուտ) խորությամբ ջրի տակ։

Վկաներն անմիջապես աղետից տուժածներին օգնելու կոմիտե կազմավորեցին, որպեսզի ժամանակին հոգ տանեն նրանց նյութական կարիքների մասին, ինչպես նաև հոգևորապես աջակցեն։ Կոտահենայում գտնվող Թագավորության սրահում նրանք խմելու ջուր, հագուստ, դեղորայք և այլ անհրաժեշտ բաներ պահեստավորեցին։ Տեղի հարյուրավոր Վկա կամավորներ օգնում էին բաշխելու այդ անհրաժեշտ իրերը իրենց հավատակիցներին և ուրիշներին։

Շրի Լանկայում Եհովայի վկաների ներկայացուցիչ Նիդհու Դեյվիդը ասում է. «Մենք շարունակում ենք աղոթել այն բազմաթիվ ընտանիքների համար, որոնք տուժել են այս ողբերգության պատճառով։ Մենք նաև օգնում ենք կարգի բերելու վնասված տները, բաշխելու սննդամթերքը և տրամադրում ենք հագուստ նրանց, ովքեր ունեն դրա կարիքը։ Մեր հավատակիցների առատաձեռն ոգին կարելի է համեմատել պայծառ լույսի հետ, որ շողում է այս մութ ժամանակներում»։

Մեդիա կոնտակտներ:

Միջազգային: Դեյվիդ Սիմոնյան, հասարակայնության հետ կապերի գրասենյակ, 1-718-560-5000

Շրի Լանկա: Նիդհու Դեյվիդ, 94-11-2930-444