ՄԱՐՏԻ 3, 2022
ՈՒԿՐԱԻՆԱ
Եղբայրական սերը աճում է Ուկրաինայում շարունակվող ճգնաժամի պայմաններում
2022 թ. փետրվարի 24-ին Ռուսաստանը ներխուժեց Ուկրաինա։ Այնտեղ ապրում են ավելի քան 129 000 Եհովայի վկաներ և նրանց երեխաները։ Հավատակիցներին հումանիտար օգնություն տրամադրելու համար մասնաճյուղը կազմավորել է աղետից տուժածներին օգնելու 27 կոմիտե։ Բացի այդ՝ որպես քրիստոնեական սիրո դրսևորում մեր եղբայրներն ու քույրերը ամեն ջանք գործադրում են, որպեսզի գործնական և էմոցիոնալ աջակցություն ցույց տան միմյանց և հարևաններին։
Թեև եղբայրների ու քույրերի մեծ մասը մնացել է երկրում, սակայն ոմանք երկրից փախչելու որոշում են կայացրել։ Նրանք ստիպված են եղել կանգնել երկար հերթերում, որոնցից որոշները հասնում էին 30 կիլոմետր (18 մղոն) երկարության։ Ոմանք անգամ 3-ից 4 օր սպասել են սահմանային անցակետում: Քարոզիչները հերթերում փնտրում էին իրենց հավատակիցներին և տրամադրում գործնական օգնություն և այլ անհրաժեշտ բաներ: Երբ նրանք վերջապես հատել են հարևան երկրների սահմանները, նրանց դիմավորել են այլ Վկաներ, որոնք սպասում էին նրանց jw.org ցուցանակներով։ Նրանք պատրաստ էին մխիթարել և գործնական աջակցություն ցուցաբերել Ուկրաինայից եկած իրենց հավատակիցներին։
Տուժած հավատակիցներ և վնասներ
Ցավոք, 2022 թ. մարտի 1-ին ռմբակոծությունների հետևանքով Խարկովում մահացել է լսողության խնդիրներ ունեցող մի եղբայր, իսկ նրա կինը լուրջ վնասվածքներ է ստացել։
Եվս 3 քույր վիրավորվել է։
Ավելի քան 5 000 քարոզիչներ փախել են իրենց տներից։
2 տուն ավերվել է։
3 տուն լրջորեն վնասվել է։
35 տուն թեթևակի է վնասվել։
2 Թագավորության սրահ վնասվել է։
Շատ քարոզիչներ զրկվել են էլեկտրաէներգիայից, ջեռուցումից, հեռախոսային ծառայությունից։ Խնդիր է նաև ջրի պակասը։
Օգնություն աղետից տուժածներին
Ուկրաինայում կազմավորվել է աղետից տուժածներին օգնելու 27 կոմիտե։
ԱՏՕԿ-ները օգնել են 867 քարոզիչների ապաստան գտնել ավելի ապահով վայրերում։
ԱՏՕԿ-ները տրամադրում են սնունդ, ջուր և առաջին անհրաժեշտության այլ իրեր։
Վերոհիշյալ թվերը ներկայացնում ենք՝ ըստ նախնական հաշվետվությունների։
Աղոթում ենք, որ մեր հավատակիցները շարունակեն իմաստությամբ և հասկացողությամբ հաղթահարել այս անորոշ հանգամանքներն ու դժվարությունները և եղբայրական սեր դրսևորեն (Առակներ 9։10; 1 Թեսաղոնիկեցիներ 4։9)։