ՀՈՒՆԻՍԻ 11, 2019
ՌՈՒՍԱՍՏԱՆ
Դենիս Քրիստենսենի դատավճիռը կբողոքարկվի Մարդու իրավունքների եվրոպական դատարան
Ինչպես արդեն հայտնել էինք, 2019 թ. մայիսի 23-ին Օրյոլի մարզային դատարանը անփոփոխ թողեց Դենիս Քրիստենսենի գործով մեղադրական դատավճիռը։ Արդյունքում՝ եղբայր Քրիստենսենին նշանակված վեց տարվա պատիժը մնաց անփոփոխ։ Քանի որ նա արդեն երկու տարի անցկացրել է նախնական կալանքի տակ, որը Ռուսաստանի օրենսդրությամբ հավասարազոր է երեք տարի բանտում անցկացնելուն, պատժի ժամկետի ավարտին մնացել է երեք տարի։ 2019 թ. հունիսի 6-ի երեկոյան եղբայր Քրիստենսենին տեղափոխեցին քրեակատարողական հիմնարկ, որտեղ նա պետք է կրի նշանակված պատիժը։ Եղբայր Քրիստենսենի դատավճռի դեմ գանգատ կներկայացվի Մարդու իրավունքների եվրոպական դատարան (այսուհետ՝ ՄԻԵԴ)։ Նրա նախնական կալանքի դեմ ներկայացված գանգատը արդեն գտնվում է ՄԻԵԴ-ի վարույթում։
Մենք հիանում ենք՝ տեսնելով, թե եղբայր Քրիստենսենը այս շարունակական անարդարությանը բախվելիս ինչպիսի տոկունություն է դրսևորում և որքան հանդարտ է մնում։ Համոզված ենք, որ Եհովան կշարունակի աջակցել նրան, ինչպես նաև Ռուսաստանում հետապնդման մեջ գտնվող ավելի քան 200 Եհովայի վկաներին (Սաղմոս 27։1)։
Կարդա 2019թ. մայիսի 16-ին Օրյոլի մարզային դատարանին ուղղված Դենիս Քրիստենսենի խոսքի սղագրությունը։
Կարդա 2019թ. մայիսի 23-ին Օրյոլի մարզային դատարանին ուղղված Դենիս Քրիստենսենի խոսքի սղագրությունը։