Լևոբերեժնի շրջանի Վորոնեժ քաղաքի դատարանը շուտով կհրապարակի եղբայրներ Ալեքսեյ Անտյուխինի, Սերգեյ Բաևի, Յուրի Գալկայի, Վալերի Գուրսկիի, Իգոր Պոպովի, Վիտալի Ներուշի, Ստեփան Պանկրատովի, a Եվգենի Սոկոլովի, Միխայիլ Վեսելովի և Անատոլի Յագուպովի գործով դատավճիռը։ Դատախազը դեռևս պատժատեսակ չի սահմանել։

1. Հուլիսի 13, 2020

   Վորոնեժում և դրա շրջակա տարածքներում խուզարկվեցին Եհովայի վկաների ավելի քան 100 տներ։ 40 եղբայրներ և քույրեր կանչվեցին հարցաքննության։ Վերոնշյալ տասը եղբայրները վերցվեցին ժամանակավոր կալանքի։

2. Հուլիսի 14-15, 2020

   Տասը եղբայրները ուղարկվեցին նախնական կալանավայր։

3. Օգոստոսի 3–սեպտեմբերի 18, 2020

   Եղբայրներ Բաևը, Պանկրատովը, Պոպովը և Յագուպովը ազատ արձակվեցին նախնական կալանքից։ Նրանց նկատմամբ նշանակվեց տնային կալանք։

4. Դեկտեմբերի 1-3, 2020

   Եղբայրներ Անտյուխինը, Գալկան, Գուրսկին, Ներուշը, Սոկոլովը և Վեսելովը ազատ արձակվեցին նախնական կալանքից, իսկ եղբայրներ Բաևը, Պանկրատովը, Պոպովը և Յագուպովը ազատ արձակվեցին տնային կալանքից։

5. Դեկտեմբերի 13, 2021

   Սկսվեց դատաքննությունը։

Շատ քաջալերական է տեսնել, թե ինչ պտուղներ է բերում Ռուսաստանի մեր հավատակիցների անկոտրում ոգին, մինչ նրանք շարունակում են ապավինել Եհովային (Հակոբոս 1։4)։