2023 թ. հունիսի 20-ին Ռոստովի մարզի Տագանրոգ քաղաքի դատարանը մեղավոր ճանաչեց եղբայրներ Ալեքսանդր Սկվորցովին և Վալերի Տիբիին։ Ալեքսանդրը դատապարտվեց յոթ տարվա ազատազրկման։ 2021 թ. դեկտեմբերի 7-ից նա գտնվում էր նախնական կալանքի տակ և կշարունակի լինել անազատության մեջ։ Իսկ Վալերին դատապարտվեց վեց տարվա պայմանական ազատազրկման։ 2022 թ. մայիսի 18-ից Վալերին նախնական կալանքի տակ էր, սակայն ազատ արձակվեց։

Շնորհակալ ենք Եհովային իր հոգատարության և առաջնորդության համար, ինչի շնորհիվ մենք կարող ենք դիմանալ ցանկացած փորձության (Սաղմոս 5։12)։

1. Մարտի 20, 2021

   Խուզարկվեց Սկվորցովների տունը։

2. Դեկտեմբերի 7, 2021

   Սկվորցովների տունը խուզարկվեց երկրորդ անգամ։ Այդ ժամանակ Տագանրոգում խուզարկվեց Եհովայի վկաներին պատկանող ևս 29 տուն։ Եղբայր Սկվորցովը մեղավոր ճանաչվեց, նրան տեղափոխեցին նախնական կալանքի կենտրոն։

3. Դեկտեմբերի 8, 2021

   Ալեքսանդրին վերցրին նախնական կալանքի տակ։

4. Մարտի 29, 2022

   Վալերիի դեմ քրեական գործ հարուցվեց։

5. Մարտի 31, 2022

   Քննիչները Ալեքսանդրի և Վալերիի գործերը կցեցին իրար։

6. Մայիսի 18, 2022

   Վալերին ձերբակալվեց։ Նրան տարան ժամանակավոր կալանավայր։

7. Մայիսի 26, 2022

   Վալերիին վերցրին նախնական կալանքի տակ։

8. Դեկտեմբերի 6, 2022

   Սկսվեց դատաքննությունը։

9. Հունիսի 20, 2023

   Ալեքսանդրը դատապարտվեց յոթ տարվա ազատազրկման, իսկ Վալերին՝ վեց տարվա պայմանական ազատազրկման։