2023 թ. մարտի 31-ին Մոսկվայի Բաբուշկինսկի շրջանի դատարանը մեղավոր ճանաչեց եղբայրներ Իվան Չայկովսկուն, Յուրի Չերնիշևին, Վիտալի Կոմարովին, Սերգեյ Շատալովին և Վարդան Զաքարյանին։ Իվանը, Յուրին, Վիտալին և Սերգեյը դատապարտվեցին վեց տարի և երեք ամսվա ազատազրկման։ Վարդանը դատապարտվեց չորս տարի և երեք ամսվա ազատազրկման։ Բոլոր եղբայրներին դատական նիստերի դահլիճից անմիջապես տարան կալանավայր։

1. Նոյեմբերի 24, 2020

   Ոստիկանները Մոսկվայում խուզարկեցին առնվազն 20 Եհովայի վկաների տներ։ Իվանին, Յուրիին, Վիտալիին և Սերգեյին տարան ժամանակավոր կալանավայր և պահեցին մեկուսարաններում։ Յուրիի և նրա ընտանիքի խուզարկման ժամանակ ներկա էր նաև նկարահանող խումբ։ Ավելի ուշ նրանց ցույց տվեցին ազգային հեռուստատեսությամբ։

2. Նոյեմբերի 26, 2020

   Սերգեյը ազատ արձակվեց, և նրա նկատմամբ նշանակվեց տնային կալանք։ Վարդանը, ով խուզարկման ժամանակ վնասվածքներ էր ստացել և հոսպիտալացվել էր, վերցվեց նախնական կալանքի տակ։ Նրան տեղափոխեցին մեկուսարան։

3. Նոյեմբերի 27, 2020

   Դատարանը վճռեց ազատ արձակել Իվանին, Յուրիին և Վիտալիին նախնական կալանքից, նրանց նկատմամբ նշանակվեց տնային կալանք։

4. Նոյեմբերի 30, 2020

   Վարդանը ազատ արձակվեց նախնական կալանքից։ Նրա նկատմամբ նշանակվեց տնային կալանք։ Նա բողոք է ներկայացրել դատախազություն՝ իր նկատմամբ ապօրինի ուժ կիրառելու վերաբերյալ։

5. Փետրվարի 16, 2022

   Սկսվեց դատաքննությունը։

Մենք շատ ենք քաջալերվում՝ տեսնելով Եհովայի և մեր սիրելի եղբայրների ու նրանց ընտանիքների մտերմությունը (Հակոբոս 4։8)։